ପରାଜୟକୁ ଗ୍ରହଣ କରିପାରୁ ନାହାଁନ୍ତି ଦିଦି, ପୁନର୍ବାର ଗଣତି ପାଇଁ ଟିଏମସିର ଅପିଲ

କୋଲକାତା: ପଶ୍ଚିମବଙ୍ଗର ହାଇଭୋଲଟେଜ୍ ସିଟରେ ହାଇଭୋଲଟେଜ ଲଢେଇ । ଏହି ଆସନରୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ବିଜେପିର ବରିଷ୍ଠ ନେତା ଶୁଭେନ୍ଦୁ ଅଧିକାରୀଙ୍କ ମଧ୍ୟରେ ହୋଇଥିଲା କଡା ଟକ୍କର । ପ୍ରଥମେ ମମତା ବାନାର୍ଜୀ ବିଜୟୀ ହେବା ନେଇ ଗଣମାଧ୍ୟମରେ ଖବର ପ୍ରସାରିତ ହୋଇଥିଲା ।

Trinamool Congress writes to Chief Electoral office, West Bengal for, "immediate re-counting of votes in Nandigram AC 210 and postal ballots." pic.twitter.com/BKCpdzrMf2

— ANI (@ANI) May 2, 2021

ଖବର ପ୍ରସାରିତ ହେବା ପରେ ନନ୍ଦିଗ୍ରାମରେ ଟିଏମସି କର୍ମୀ ଖୁସି ମନାଇବା ମଧ୍ୟ ଆରମ୍ଭ କରିଦେଇଥିଲେ । କିନ୍ତୁ ଘଣ୍ଟାକ ଭିତରେ ବଦଳିଯାଇଥିଲା ଫଳାଫଳ । ଓଲଟପାଲଟ ହୋଇଯାଇଥିଲା ସମସ୍ତ ଅଙ୍କ । ହଠାତ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀ ବିଜୟୀ ହେଉଥିବା ପ୍ରମାଣିତ ହୁଏ ।

ସେପଟେ କଡା ଟକ୍କର ଭିତରେ ଦିଦି ହାରକୁ ସହଜରେ ଗ୍ରହଣ କରିପାରୁନାହାଁନ୍ତି । ପ୍ରକାଶ ପାଇଥିବା ଫଳାଫଳରେ ଅସନ୍ତୋଷ ଜାହିର କରିଛି ଟିଏମସି । ଘଟଣାକୁ ନେଇ ନିର୍ବାଚନ ଅଧିକାରୀଙ୍କୁ ଭେଟିବା ସହ ଆଉ ଥରେ ଭୋଟ ଗଣତି କରିବା ପାଇଁ ଦାବି କରିଛି ଦଳ । ଏ ନେଇ ନିର୍ବାଚନ ଅଧିକାରୀଙ୍କୁ ଭେଟିଛନ୍ତି ଟିଏମସିର ତିନି ଜଣ ବରିଷ୍ଠ ନେତା ।