ପେନସନ ଟଙ୍କାରେ ପାଠାଗାର ଖୋଲିଛନ୍ତି ଶିକ୍ଷକ, ମାଗଣା ପୁସ୍ତକ ଦେଇ ପାଠ ପଢ଼ିବାକୁ କରୁଛନ୍ତି ଉତ୍ସାହିତ  

କଳାହାଣ୍ଡି: ଶିକ୍ଷକ ହେବ ତ ଏମିତି l ଅବସର ପରେ ପେନସନ ଟଙ୍କାରେ ଖୋଲିଛନ୍ତି  ପାଠାଗାର। ଲୋକଙ୍କୁ ମାଗଣା  ପୁସ୍ତକ ଦେଇ ପାଠ ପଢିବାକୁ ଉତ୍ସାହିତ କରୁଛନ୍ତି । ୨୦୦୦ରୁ ଅଧିକ ବହି ଏହି ପାଠାଗାରରେ  । କଳାହାଣ୍ଡି  ଜିଲ୍ଲା ଧର୍ମଗଡ ଜୟନ୍ତପୁର ଗାଁର ଶିକ୍ଷକ ତ୍ରିଲୋଚନ ବାଗ  । ଚାକିରିରୁ ଅବସର ପରେ ନିଜ ପେନସନ ପଇସାରେ ଗାଁରେ ଖୋଲିଛନ୍ତି ପାଠାଗାର। ଲୋକେ ପାଠାଗାରରେ ବିଭିନ୍ନ ପୁସ୍ତକ ପଢ଼ି ଜ୍ଞାନ ଆହରଣ କରୁଛନ୍ତି l କଳାହାଣ୍ଡି ଧର୍ମଗଡ ଜୟନ୍ତପୂର୍ ଗାଁର ଶିକ୍ଷକ ତ୍ରିଲୋଚନ ବାଗ । ଶିକ୍ଷକ ସହ ତ୍ରିଲୋଚନ ଜଣେ ଲେଖକ ମଧ୍ୟ। ଉନ୍ନତ ଶିକ୍ଷାଦାନ ଶୈଳୀ ପାଇଁ ସେ ପୂର୍ବରୁ ଅନେକ ପୁରସ୍କାର ହାତେଇଛନ୍ତି ।  ୧୯୯୫ରେ ଆଦର୍ଶ ଶିକ୍ଷକ ସମ୍ମାନ,୧୯୯୬ରେ ରାଜ୍ୟପାଳ ପୁରସ୍କାର ଏବଂ ୨୦୦୭ ମସିହାରେ ରାଷ୍ଟ୍ରପତି ପୁରସ୍କାର ପାଇଥିଲେ। ୨୦୧୧ ମସିହାରେ ଅବସର ନେଇଥିଲେ ତ୍ରିଲୋଚନ। ପୂର୍ବରୁ ଗାଁ ଲୋକେ କୌଣସି ପୌରାଣିକ ଗ୍ରନ୍ଥ, ଉପନ୍ୟାସ କିମ୍ବା ଗଳ୍ପ ବହି ଟିଏ ପଢିବାକୁ ହେଲେ ଦୂର ସ୍ଥାନକୁ ଯାଉଥିଲେ। ଏବେ ଗାଁରେ ପାଠାଗାର ଟିଏ ହେବା ପରେ ପିଲାଠୁ ବୁଢ଼ା ପର୍ଯ୍ୟନ୍ତ ସବୁ ସମୟରେ ଲୋକେ ପାଠ ପଢିପାରୁଛନ୍ତି । ଲୋକଙ୍କୁ ପଢୁଥିବାର ଦେଖି ତ୍ରିଲୋଚନ ସାର ମଧ୍ୟ ବେଶ୍ ଖିୁସି ।