ଜଙ୍ଗଲ ଜାତ ଦ୍ରବ୍ୟର ଉଚିତ ମୂଲ୍ୟ ପାଉନାହାନ୍ତି ଆଦିବାସୀ

ଗଜପତି: ଆଦିବାସୀଙ୍କ ଜୀବନ ଜୀବିକାର ମୁଖ୍ୟ ମାଧ୍ୟମ ଜଙ୍ଗଲଜାତ ଦ୍ରବ୍ୟ । ବିଭିନ୍ନ ଫଳ, ଫୁଲ ସଂଗ୍ରହ ପାଇଁ କରିବାକୁ ପଡ଼େ ବହୁ ପରିଶ୍ରମ । ହେଲେ ମିଳେ ନାହିଁ ସମ ପରିମାଣର ଲାଭ । ଉଚିତ ବଜାର ବ୍ୟବସ୍ଥା ଅଭାବରୁ ସ୍ଥାନୀୟ ବ୍ୟବସାୟୀ ଉଠାଉଛନ୍ତି ଫାଇଦା । କମ୍ ଦାମରେ ସମସ୍ତ ଦ୍ରବ୍ୟ କିଣି ଅନ୍ୟ ସ୍ଥାନରେ ଉଚ୍ଚା ଦରରେ ବିକ୍ରି କରୁଛନ୍ତି । ବାହାର ରାଜ୍ୟର ବ୍ୟବସାୟୀଙ୍କୁ ସ୍ଥାନୀୟ ବ୍ୟବସାୟୀ ପୂରାଇ ଦେଉନଥିବା ଅଭିଯୋଗ କରିଛନ୍ତି ଗଜପତି ଜିଲ୍ଲା ଆଦିବାସୀ ସଂଘ ।

ପୂର୍ବରୁ ଟିଡିସିଏସ ଦ୍ବାରା ଜଙ୍ଗଲଜାତ ଦ୍ରବ୍ୟର ଦର ନିର୍ଧାରଣ କରାଯାଉଥିଲା । ପରବର୍ତ୍ତୀ ସମୟରେ ବ୍ୟବସାୟୀମାନେ ମନମୁଖୀ କାମ ଚଳାଇଛନ୍ତି । ସହରାଞ୍ଚଳରେ ନିୟନ୍ତ୍ରିତ ବଜାର କମିଟି ରହିଥିବା ବେଳେ ଗ୍ରାମାଞ୍ଚଳରେ ବିଭାଗର କୌଣସି ନିୟନ୍ତ୍ରଣ ନାହିଁ । ତେବେ ସମ୍ପୃକ୍ତ ବିଭାଗ ଜଙ୍ଗଲ ଜାତ ଦ୍ରବ୍ୟ ତଥା ଆଦିବାସୀଙ୍କ ଉତ୍ପାଦିତ ସାମଗ୍ରୀ ଗୁଡିକର ଦର ସ୍ଥିରୀକୃତ କରିବାକୁ ଦାବି କରିଛନ୍ତି ଆଦିବାସୀ ।