OAS ଅଧିକାରଙ୍କ ଘରେ ଆଦିବାସୀ ନାବାଳିକାକୁ ଦୁଷ୍କର୍ମ ଘଟଣା: ଶିଶୁ ଶ୍ରମିକ ଆଇନର ଖିଲାପ ଧାରାରେ ମାମଲା ରୁଜୁ

ଭୁବନେଶ୍ୱର: ରାଜଧାନୀରେ ଓଏଏସ ଅଧିକାରଙ୍କ ଘରେ ଆଦିବାସୀ ନାବାଳିକାକୁ ଦୁଷ୍କର୍ମ ଓ ପିଡିତା ନାବାଳିକା ଗର୍ଭବତୀ ହେବା ଘଟଣା । ପିଡିତାଙ୍କୁ ନ୍ୟାୟ ପ୍ରଦାନ ସହ ସୁରକ୍ଷା ଯୋଗାଇ ଦିଆଯିବ । କ୍ଷତିପୂରଣ ବାବଦକୁ ସର୍ବାଧିକ ସାଢ଼େ ୩ଲକ୍ଷ ଟଙ୍କା ପ୍ରଦାନ କରାଯିବ ବୋଲି କହିଛନ୍ତି ଶିଶୁ ଅଧିକାର ସୁରକ୍ଷା ଆୟୋଗ ଅଧ୍ୟକ୍ଷା ସଂଧ୍ୟାବତୀ ପ୍ରଧାନ ।

ଯାଜପୁର ଗସ୍ତ କରି ପିଡିତା ଓ ତାଙ୍କ ପରିବାର ଲୋକଙ୍କ ସହ ଆଲୋଚନା କରିଛନ୍ତି ବୋଲି ସେ କହିଛନ୍ତି । ସେପଟେ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ସ୍ଥାନୀୟ ଏସପିଙ୍କ ସହ ଆଲୋଚନା ମଧ୍ୟ ରହିଛନ୍ତି । ଓଏଏସ ଅଧିକାରୀଙ୍କ ଶ୍ୱଶୁର ଅଭିଯୁକ୍ତ ଥିବା ବେଳେ ୧୩ ବର୍ଷର ଜଣେ ଆଦିବାସୀ ନାବଳିକାକୁ ଘରେ କାମ କରାଇବା ହେଉଛି ଆଉଗୋଟେ ସଙ୍ଗିନ ଅପରାଧ ।

ତେବେ ଜଣେ ଦାୟିତ୍ୱ ସମ୍ପନ୍ନ ସରକାରୀ ଅଧିକାରୀ ନାବାଳିକାକୁ କେମିତି କାମ କରାଉଥିଲେ । ନାବାଳିକାଙ୍କୁ ସୁରକ୍ଷା ଦେବା ପରିବର୍ତ୍ତେ ଘଟଣାକୁ ଚପାଇବାକୁ ଉଦ୍ୟମ ଆଉ ଏକ ଅପରାଧ । ଏଣୁ ଓଏଏସ ଅଧିକାରୀଙ୍କ ବିରୋଧରେ ମଧ୍ୟ ଶିଶୁ ଶ୍ରମିକ ଆଇନର ଖିଲାପ ଧାରାରେ ମାମଲା ରୁଜୁ ହେବ ବୋଲି ସ୍ପଷ୍ଟ କରିଛନ୍ତି ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ ଅଧ୍ୟକ୍ଷା ସଂଧ୍ୟାବତୀ ପ୍ରଧାନ ।