ମୋତେ ଧୋକା ଦେଲୁ, ଏଥର ଦାନା ନେ। ଗାଡ଼ି ଭିତରେ ବନ୍ଧୁକ ଦେଖାଇ ଏମିତି ଧମକ। ରାଜଧାନୀ ଭୁବନେଶ୍ବରରେ ତ୍ରିକୋଣୀୟ ପ୍ରେମକୁ ନେଇ ଘଟିଛି ଏପରି ଘଟଣା। ନନ୍ଦିଘୋଷ ଟିଭି ହାତରେ ଲାଗିଛି ସେହି Exclusive ଭିଜୁଆଲ । ଏହି ଭିଜୁଆଲରେ ଜଣେ ଯୁବତୀଙ୍କୁ ବନ୍ଧୁକ ଦେଖାଇ ଧମକ ଦେଉଛନ୍ତି ଜଣେ ଯୁବକ। ତ୍ରିକୋଣୀୟ ପ୍ରେମକୁ ନେଇ ସେ ବନ୍ଧୁକ ଦେଖାଇ ଧମକ ଦେଉଛନ୍ତି। ସାଙ୍ଗରେ ନ ରହିଲେ ଜୀବନରୁ ମାରିଦେବାକୁ ଧମକ ଦେଉଛନ୍ତି । ଅନ୍ୟ ଯୁବକ ସହ ବୁଲିଲେ ୨୪ ଘଣ୍ଟାରେ ମାରିଦେବାକୁ ଧମକ ଦେଉଛନ୍ତି । ଯୁବତୀ ଜଣକ ପେସାରେ ଜଣେ ବାର୍ ଡ୍ୟାନ୍ସର ବୋଲି ଜଣାପଡିଛି । କିନ୍ତୁ ପ୍ରଶ୍ନ ଉଠୁଛି ଖୁଲମଖୁଲା ବନ୍ଧୁକ ଆସୁଛି କେଉଁଠୁ ? ବନ୍ଧୁକର ଲାଇସେନ୍ସ ତାଙ୍କ ପାଖରେ ଅଛି କି ? ଭାଇରାଲ ଭିଡିଓକୁ ନେଇ ପୋଲିସ ତନାଘନା କରୁଥିବା ଜଣାପଡ଼ିଛି।
