ମୋବାଇଲ ଲାଇଟରେ ରୋଗୀ ଚିକିତ୍ସା
1 min read
ମୋବାଇଲ ଲାଇଟରେ ରୋଗୀ ଚିକିତ୍ସା। ପ୍ରାଥମିକ ସ୍ଵାସ୍ଥ୍ୟକେନ୍ଦ୍ର କି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ନୁହେଁ। ଜିଲ୍ଲା ମୁଖ୍ୟ ଚିକିତ୍ସାଳୟରେ ଏପରି ଘଟଣା ଘଟିଛି। ଏହା ହେଉଛି ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟର ଦୃଶ୍ୟ। ଲାଇନ ପଳାଇଥିଲା। ଜେନେରେଟର ଅଚଳ। ୩ ଘଣ୍ଟା ଧରି ଏପରି ଅବସ୍ଥା। ରୋଗୀ ସେବା ପୂରା ବିପର୍ଯ୍ୟସ୍ତ ହୋଇ ପଡ଼ିଥିଲା।
ଡାକ୍ତର ବାଧ୍ୟ ହୋଇ ମୋବାଇଲ ଲାଇଟରେ ରୋଗୀ ଦେଖିଥିଲେ। ଲିଫ୍ଟ ବି ଅଚଳ ହୋଇ ପଡ଼ିଥିଲା। ଓପିଡି, ସ୍ତ୍ରୀ ଓ ପ୍ରସୂତି ବିଭାଗ, ଭେଷଜ ବିଭାଗ, ରକ୍ତ ନମୁନା ସଂଗ୍ରହ କେନ୍ଦ୍ରରେ ନାହିଁ ନ ଥିବା ପରିସ୍ଥିତି ସୃଷ୍ଟି ହୋଇଥିଲା। ଏହାକୁ ନେଇ ରୋଗୀ ଓ ସେମାନଙ୍କ ସଂପର୍କୀୟ ଘୋର ଅସନ୍ତୋଷ ବ୍ୟକ୍ତ କରିଛନ୍ତି। ସକାଳ ୯ଟାରୁ ୧.୩୦ଟା ଯାଏ ବିଦ୍ୟୁତ କାଟ ପାଇଁ ଗତକାଲିଠୁ TPSODL ପକ୍ଷରୁ ଘୋଷଣା କରାାଯାଇଥିଲା। କିନ୍ତୁ ବିକଳ୍ପ ବ୍ୟବସ୍ଥା କରିନଥିଲେ ହସପିଟାଲ କର୍ତ୍ତୃପକ୍ଷ। ୩ ଘଣ୍ଟା ପରେ ଯାଇ ଠିକ ହୋଇଥିଲା ଜେନେରେଟର।
