ଗୋଶାଳା ନିର୍ମାଣ ସମୟରେ ମାଟି ତଳୁ ବାହାରିଲା ମୋଗଲ ସାମ୍ରାଜ୍ୟର ପୁରୁଣା ମୁଦ୍ରା, ତାପରେ ଏମିତି ହେଲା ସ୍ଥିତି

ନୂଆଦିଲ୍ଲୀ: ମାଟି ତଳେ ଲୁଚି ରହିଛି ଅନେକ ଧନରତ୍ନ । ପୂର୍ବରୁ ରାଜା ରାଗୁଆଡ଼ ଅବଳରେ ସେମାନେ ସେମାନଙ୍କର ସମ୍ପତ୍ତିକୁ ମାଟି ତଳେ ଲୁଚାଇ ରଖିଥାନ୍ତି । ଏଭଳି ଅନେକ କାହାଣୀ ଆପଣମାନେ ଶୁଣିଥିଲେ । କିନ୍ତୁ ଯଦି ସତରେ ଆପଣଙ୍କର ହାତରେ ଏହି ଧନରତ୍ନ ଭଣ୍ଡାର ଲାଗିଯାଏ । ତେବେ ଆପଣ କଣ କରିବେ ? ଯଦି ଆପଣ କେଉଁଠାରେ ଲୁଚି ରହିଥିବା ସମ୍ପତ୍ତି ବିସୟରେ ଜାଣନ୍ତି, ତେବେ ତାହାକୁ ପାଇବାକୁ ଚିଶ୍ଚିତ ଚେଷ୍ଠା କରିବେ । ଏପରି ଏକ ଗୁଜବ ଦ୍ରୁତ ଗତିରେ ବ୍ୟାପିବାରେ ଲାଗିଛି । ମାଟିତଳେ ଲୁଚିଥିବା ସମ୍ପତ୍ତି ରହିଛି ବୋଲି ପୁରା ଗାଁ ଖୋଜିବାକୁ ଆରମ୍ଭ କରିଛି ।

ଏଭଳି ଏକ ଘଟଣା ନରସିଂହପୁର ଜିଲ୍ଲାର ଗାଡରବାରା ନିକଟ ଝାନଝର ଖେଡା ଗାଁରେ ଦେଖିବାକୁ ମିଳିଛି । ଉକ୍ତ ଗାଁରେ କୌଣସି କାର୍ଯ୍ୟ ପାଇଁ ଗାତ ଖୋଳା ଚାଲିଥିଲା । ସେହି ସମରେ ମାଟି ତଳୁ କିଛି ମୁଲ୍ୟବାନ ପୁରୁଣା ମୁଦ୍ରା ବାହାରିଥିବା ଜଣାପଡ଼ିଥିଲା । ଯାହାପରେ ପୁରା ଗାଁ ସେହି ଜାଗାକୁ ଖୋଳିବା ଆରମ୍ଭ କରିଦେଇଥିଲା ।

ସୂଚନା ଅନୁଯାୟୀ, ଗାଡରବାରା ନିକଟରେ ଥିବା ଝାନଝର ଖେଡ଼ା ଗାଁରେ ଏକ ସରକାରୀ ଗୋଶାଳା ନିର୍ମାଣ କରିବା ପାଇଁ ମାଟି ଖୋଳା ଚାଲିଥିଲା । ଜେସିବି ମେସିନରେ ମାଟି ଖୋଳିବା ସହ ଟ୍ରାକ୍ଟର ଟ୍ରଲିରେ ଅଳିଆ ଆବର୍ଜନା ଅଣାଯାଇଥିଲା । ମାଟି ଖୋଳା ଚାଲିଥିବା ବେଳେ ଏକ ପୁରୁଣା ମୁଦ୍ରା ଉପରେ ଏକ ଶ୍ରମିକର ଆଖିରେ ପଡ଼ିଥିଲା । ଯାହାପରେ ଏହି କଥା ପୁରା ଗାଁରେ ବ୍ୟାପିବାରେ ଲାଗିଥିଲା । ଗାଁ ଲୋକେ ପ୍ରଥମେ ମାଟି ଖୋଳିଲେ ଏବଂ ସେହି ମାଟିକୁ ନେଇ ପାଣିରେ ଧୋଇବାକୁ ଲାଗିଲେ କେବଳ ଧନ ପାଇବା ପାଇଁ ।

ଲୋକଙ୍କ କହିବା ଅନୁଯାୟୀ ଗାଁର ଅନେକ ଲୋକ ମଧ୍ୟ ପୁରାତନ ମୁଦ୍ରା ପାଇଛନ୍ତି । ଯିଏ ପୁରାତନ ମୁଦ୍ରା ପାଇଲା ସେ ତାକୁ ନେଇ ଚାଲିଗଲେ । ଏହି ମୁଦ୍ରା ଗୁଡ଼ି ମୋଗଲ ସାମ୍ରାଜ୍ୟର ମୁଦ୍ରା ସହ ମିସୁଥିବା ଜଣାପଡ଼ିଥିଲା । ଏହି ମୁଦ୍ରାଗୁଡ଼ିକ କେତେ ପୁରୁଣା, କେଉଁ ଶାସକଙ୍କ ଯୁଗ ଏବଂ ଏହି ଅଞ୍ଚଳରୁ କିପରି ପହଞ୍ଚିଲା ତାହା ପରୀକ୍ଷା କରିବା ପରେ ଜଣା ପଡ଼ିବ ।