ଭୁବନେଶ୍ୱରର ୧୩ ଜଣ କରୋନା ସଂକ୍ରମିତଙ୍କର ଆସିଲା ଟ୍ରାଭେଲ ହିଷ୍ଟ୍ରୀ
1 min readଭୁବନେଶ୍ୱର: ଆସିଲା ଭୁବନେଶ୍ୱରରୁ ଚିହ୍ନଟ ହୋଇଥିବା ୧୩ ଜଣ କରୋନା ସଂକ୍ରମିତଙ୍କ ଟ୍ରାଭେଲ ହିଷ୍ଟ୍ରୀ । ୧୩ ଜଣଙ୍କ ମଧ୍ୟରୁ ୭ ଜଣ ରାଜ୍ୟ ବାହାରକୁ ଯାଇ ସଂକ୍ରମିତ ହୋଇଥିବା ବେଳେ ୬ ଜଣ ସ୍ଥାନୀୟ ସଂକ୍ରମିତଙ୍କ ସଂସ୍ପର୍ଶରେ ଆସିଛନ୍ତି । ପାତ୍ରପଡ଼ା ଅଞ୍ଚଳରୁ ଚିହ୍ନଟ ହୋଇଥିବା କରୋନା ସଂକ୍ରମିତଙ୍କର ଟ୍ରାଭେଲ ହିଷ୍ଟ୍ରୀ ପୂର୍ବରୁ ଦିଲ୍ଲୀ ରହିଛି । ସେହିଭଳି ନ୍ୟୁ ଫରେଷ୍ଟ ପାର୍କ ଏବଂ ଲକ୍ଷ୍ମୀସାଗର ଅଞ୍ଚଳରୁ ଚିହ୍ନଟ ହୋଇଥିବା କରୋନା ସଂକ୍ରମିତଙ୍କର ମଧ୍ୟ ଟ୍ରାଭେଲ ହିଷ୍ଟ୍ରୀ ଦିଲ୍ଲୀ ରହିଛି । କଳ୍ପନା ଚିନ୍ତାମଣିଶ୍ୱରରୁ ଚିହ୍ନଟ ହୋଇଥିବା ବ୍ୟକ୍ତିଙ୍କର ମହାରାଷ୍ଟ୍ର ଟ୍ରାଭେଲ ହିଷ୍ଟ୍ରୀ ରହିଥିବା ବେଳେ ଓଲ୍ଡଟାଉନରୁ ଚିହ୍ନଟ ହୋଇଥିବା ସଂକ୍ରମିତି ବ୍ୟକ୍ତିଙ୍କର ଟ୍ରାଭେଲ ହିଷ୍ଟ୍ରୀ ପଶ୍ଚିମବଙ୍ଗ ରହିଛି । ସ୍ଥାନୀୟ ଲୋକଙ୍କ ଦ୍ୱାରା ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କର ଟ୍ରାଭେଲ ହିଷ୍ଟ୍ରୀ ହେଉଛି ଡ଼ୁମୁଡ଼ୁମା, ସାଲିଆ ସାହି, ୟୁନିଟ-୫, ଆଇଗିଣିଆ ଏବଂ ଲକ୍ଷ୍ମୀସାଗର ରହିଛି । ରାଜ୍ୟରେ ଆଜି ଆଉ ୧୩୦ କରୋନା ପଜିଟିଭ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ୍ କେନ୍ଦ୍ରରୁ ୧୨୪ଜଣ ଓ ୬ଜଣ ସ୍ଥାନୀୟ ଲୋକ ସଂକ୍ରମିତ ହୋଇଛନ୍ତି । ଏଥିସହ ରାଜ୍ୟରେ ମୋଟ୍ ସଂକ୍ରମିତ ସଂଖ୍ୟା ୨୬୦୮କୁ ବୃଦ୍ଧି ପାଇଛି । ସେପଟେ କେବଳ ଖୋର୍ଦ୍ଧାରୁ ୨୨ ଜଣ ପଜିଟିଭ ଚିହ୍ନଟ ହୋଇଛନ୍ତି ସେଥିମଧ୍ୟରୁ ଭୁବନେଶ୍ୱରର ଜଣେ ରହିଛନ୍ତି ।
