ଭିଜିଲାନ୍ସ ଜାଲରେ ଫସିଲେ ଆର୍ଡି ବିଭାଗର ସହକାରୀ ଯନ୍ତ୍ରୀ, ଏକାଥରକେ ଭୁବନେଶ୍ୱର ସମେତ ୫ଟି ଜାଗାରେ ଚଢ଼ାଉ
ଢ଼େଙ୍କାନାଳ: ଭିଜିଲାନ୍ସ ଜାଲରେ ସହକାରୀ ଯନ୍ତ୍ରୀ । ତାଳଚେର ଆର୍ଡି ବିଭାଗର ସହକାରୀ ଯନ୍ତ୍ରୀ ଚନ୍ଦ୍ରମଣି ସାହୁଙ୍କ ଘରେ ଭିଜିଲାନ୍ସର ଚଢ଼ାଉ । ଢେଙ୍କାନାଳ ଟାଉନ ପ୍ଲାନିଂ ଅନର୍ଗତ ନିଜ ବାସ ଭବନ ରେ ଭିଜିଲାନ୍ସ ଚଢ଼ାଉ। ଆୟବହିର୍ଭୁତ ସମ୍ପତି ଠୁଳ ଅଭିଯୋଗ ରେ ହୋଇଚିଏହି ଚଢ଼ାଉ । ଢେଙ୍କାନାଳ ଓ କଟକ ଭିଜିଲାନ୍ସ ବିଭାଗର ଦୁଇଟି ଟିମ ମିଳିତ ଭାବରେ ଚଢ଼ାଉ କରିଛି । ସକାଳୁ ସକାଳୁ ପୂର୍ବ ପ୍ଲାନ ମୁତାବକ ହୋଇଛି ଚଢ଼ାଉ ।
ପୂର୍ବରୁ ଚନ୍ଦ୍ରମଣି ସାହୁ ଙ୍କ ନାଁ ରେ ଭିଜିଲାନ୍ସ ପାଖରେ ହୋଇଥିଲା ଅଭିଯୋଗ । ତାଙ୍କ ବାସଭବନକୁ ଛାଡ଼ିଦେଲେ ଏକା ସାଙ୍ଗରେ ୫ ଟି ଜାଗାରେ ଟିମ ଚଢ଼ାଉ କରିଥିବା ଜଣାପଡ଼ିଛି । ଢେଙ୍କାନାଳ ଟାଉନ ପ୍ଲାନିଂ ଅନ୍ନର୍ଗତ ନିଜ ବାସ ଭବନ ହାଟ ରୋଡ ଅନ୍ତର୍ଗତ ଶ୍ୱଶୁର ଘର ତାଳଚେର ଖମାର କାର୍ଯ୍ୟାଳୟ ଓ ନିଜ ପୈତୃକ ଗାଁରେ ଚଢ଼ାଉ ଚାଲିଛି । ସେପଟେ ଭୁବନେଶ୍ୱର ଏକ ଆପାର୍ଟମେଣ୍ଟରେ ଚାଲିଛି ଚଢ଼ାଉ । ତେବେ କେତେ ପରିମାଣରେ ସମ୍ପତ୍ତି ଜବତ ହୋଇଛି ତାହା ଏପର୍ଯ୍ୟନ୍ତ ଜଣାପଡ଼ିନାହିଁ ।
