କେତେ ରାଜ୍ୟରେ OSRTCକୁ ଅନୁମତି, ରିପୋର୍ଟ ମାଗିଲେ ପରିବହନ ମନ୍ତ୍ରୀ
1 min read
ଭୁବନେଶ୍ବର: ବାହାର ରାଜ୍ୟକୁ ଗଡ଼ିବ କେତେ ଓଏସ୍ଆରଟିସି ବସ ? କେତେ ରାଜ୍ୟ ଅନୁମତି ଦେଇଛନ୍ତି ? ୧୫ ଦିନ ମଧ୍ୟରେ ରିପୋର୍ଟ ଦେବାକୁ ନିର୍ଦ୍ଦେଶ ଦେଇଛନ୍ତି ପରିବହନ ମନ୍ତ୍ରୀ ଟୁକୁନି ସାହୁ । ଆଜି ଏ ନେଇ ଏକ ବୈଠକ ବସିଥିଲା । ଯେଉଁଥିରେ ନିଷ୍ପତ୍ତି ହୋଇଛି ଯେ, OSRTC CMD ଗୋଟେ ଟିମ ନେଇ ବିଭିନ୍ନ ରାଜ୍ୟକୁ ଅନୁମତି ପାଇଁ ଯିବେ ।
ଯଦି ଅନୁମତି ମିଳେ ତେବେ ରାଜ୍ୟର ଉପାନ୍ତ ଅଞ୍ଚଳରେ ଗାଡି ଚାଲିବ । କୋରାପୁଟ, ମାଲକାନଗିରି, ବଲାଙ୍ଗୀର ପରି ଜିଲ୍ଲାକୁ ଓଏସଆରଟିସି ବସ ଚଳାଇବାକୁ କହିଛନ୍ତି ବିଭାଗୀୟ ମନ୍ତ୍ରୀ । ବିଧାନସଭା ଚାଲିଥିବା ସମୟରେ ଅନେକ ବିଧାୟକ ଏ ନେଇ ପ୍ରଶ୍ନ କରିଥିଲେ । OSRTC ବସ କିଣା ହୋଇଛି । କିଛି ବସ ରାସ୍ତାରେ ଗଡିଥିବାବେଳେ ଆଉ କିଛି ବସ ଚାଲିନି । ଏ ନେଇ ଠୋସ ପଦକ୍ଷେପ ନେବାକୁ ବିଧାୟକମାନେ ଦାବି କରିଥିଲେ ।
