ଆହୁରି ଦକ୍ଷ ହେବେ ଲାଇଫଗାର୍ଡ, ସମୁଦ୍ରରେ ବୁଡି ଯିବନି କାହା ଜୀବନ
ପୁରୀ: ପୁରୀ ସମୁଦ୍ରରେ ଯେମିତି କାହାର କୌଣସି ପର୍ଯ୍ୟଟକ ବୁଡି ଜୀବନ ହାରିବେନି, ସେଥିପାଇଁ ରାଜ୍ୟ ପର୍ଯ୍ୟଟନ ବିଭାଗର ପ୍ରୟାସ । ପର୍ଯ୍ୟଟକଙ୍କ ସୁରକ୍ଷିତ ସ୍ନାନ ଉପରେ ବିଭାଗର ଗୁରୁତ୍ବ । ସମୁଦ୍ରରେ କୌଣସି ଅଘଟଣ ଘଟିଲେ ତତକ୍ଷଣାତ୍ ଉଦ୍ଧାର ପାଇଁ ଲାଇଫଗାର୍ଡଙ୍କୁ ଦିଆଯାଉଛି ତାଲିମ । କାର୍ଯ୍ୟରତ ୩୦୦ ଗାର୍ଡଙ୍କୁ ୬ଟି ପର୍ଯ୍ୟାୟରେ ନେଉଛନ୍ତି ପ୍ରଶିକ୍ଷଣ । ବୁଡ଼ିଯାଉଥିବା ପର୍ଯ୍ୟଟକଙ୍କୁ ଉଦ୍ଧାର ସହିତ ସେମାନଙ୍କୁ ଉତ୍ତମ ବ୍ୟବହାର ଉପରେ ଦିଆଯାଉଛି ଗୁରୁତ୍ବ ।
ସମୁଦ୍ରରେ ବୁଡ଼ି ଯାଉଥିଲେ କେମିତି କରାଯିବ ଉଦ୍ଧାର ? ପର୍ଯ୍ୟଟକଙ୍କୁ କିପରି କରାଯିବ ଉତ୍ତମ ବ୍ୟବହାର ? ଲୋକଙ୍କୁ ସଚେତନ ସହିତ ଆକସ୍ମିକ ଦୁର୍ଘଟଣାକୁ ଏଡ଼ାଇବାକୁ ପୁରୀରେ ଲାଇଫ ଗାର୍ଡଙ୍କୁ ଦିଆଯାଉଛି ସ୍ବତନ୍ତ୍ର ତାଲିମ । କାର୍ଯ୍ୟରତ 300 ଗାର୍ଡଙ୍କୁ 6ଟି ପର୍ଯ୍ୟାୟରେ ପ୍ରଶିକ୍ଷଣ ଦେଉଛି ପର୍ଯ୍ୟଟନ ବିଭାଗ । ବିଶେଷ କରି ବୁଡି ଯାଉଥିବା ପର୍ଯ୍ୟଟକଙ୍କୁ ଉଦ୍ଧାର ଓ ତତକ୍ଷଣାତ୍ ଚିକିତ୍ସା ଉପରେ ଗୁରୁତ୍ବ ଦିଆଯାଉଛି । ପ୍ରଶିକ୍ଷଣ ଦ୍ବାରା ଲାଇଫଗାର୍ଡମାନେ ସ୍ବାବଲମ୍ବୀ ହେବା ସହିତ ବୁଡ଼ି ଯାଉଥିବା ଜୀବନ ମଧ୍ୟ ବଞ୍ଚିପାରିବ ।
ସମୁଦ୍ର ସ୍ନାନ ଏକ ଆନନ୍ଦଭରା ଅବିସ୍ମରଣୀୟ ସ୍ମୃତି । ମାତ୍ର ଅନେକ ସମୟରେ ଗାଧୋଉଥିବା ବେଳେ ଅସାବଧାନତା କାରଣରୁ ଅନେକ ପର୍ଯ୍ୟଟକ ବୁଡ଼ି ଯାଉଥିବା ଦେଖିବାକୁ ମିଳିଛି । ଉଦ୍ଧାର କରିବାକୁ ବେଳାଭୁମୀରେ ଲାଇଫଗାର୍ଡ ମହଜୁଦ ରହିଛନ୍ତି । ଏବେ ସେମାନଙ୍କୁ ଆହୁରି ପ୍ରଶିକ୍ଷିତ କରି ଲୋକଙ୍କ ଜୀବନ ବଞ୍ଚାଇବାକୁ କର୍ମଶାଳାରେ ପ୍ରୟାସ କରୁଛି ପର୍ଯ୍ୟଟନ ବିଭାଗ । ଉଦ୍ଧାରର କଳାକୌଶଳ ସହିତ ପର୍ଯ୍ୟଟକଙ୍କୁ ଉପଯୁକ୍ତ ବ୍ୟବହାର ଓ ସଚେତନ କରିବାକୁ ତାଲିମ ଦିଆଯାଉଛି ।
ପୁରୀ ବେଳାଭୂମୀରେ ପ୍ରତିଦିନ ହଜାର ହଜାର ପର୍ଯ୍ୟଟକଙ୍କର ଭିଡ଼ ଜମୁଥିବା ବେଳେ ଅନେକ ସମୟରେ ଅଘଟଣ ଘଟି କେତେକଙ୍କର ଜୀବନ ମଧ୍ୟ ଯାଉଛି । ଏଣୁ ବୁଡ଼ିଯାଉଥିବା ଲୋକଙ୍କୁ ସୁରକ୍ଷିତ ଉଦ୍ଧାର ପାଇଁ ଲାଇଫଗାର୍ଡଙ୍କୁ ଦିଆଯାଉଛି ସ୍ବତନ୍ତ୍ର ତାଲିମ ।
