ଲେବଲ କ୍ରସିଂ ପାର ବେଳେ ଅଘଟଣ, ଟ୍ରେନ ଧକ୍କାରେ ୩ ମୃତ୍ୟୁ
ବ୍ରହ୍ମପୁର: ହଳଦିଆପଦର ଗାଁରେ ଲେବଲ କ୍ରସିଂରେ ଘଟିଛି ଅଘଟଣ । ବିଳମ୍ବିତ ରାତିରେ ମର୍ମନ୍ତୁଦ ଦୁର୍ଘଟଣା । ବିଶାଖା ଟାଟାନଗର ଟ୍ରେନ୍ ଧକ୍କାରେ ୩ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ହେଲେ ଅଳ୍ପକେ ବର୍ତ୍ତି ଯାଇଛନ୍ତି ଅନ୍ୟ ୫ ଜଣ । ଗତକାଲି ରାତି ୧୧ଟାରେ ୮ ଜଣ ନିଜର କିଛି ଜିନିଷ ଧରି ଟ୍ରେନ ଟ୍ରାକ୍ରେ ଯାଉଥିବା ବେଳେ ପଛପଟୁ ଆସୁଥିବା ବିଶାଖା ଟାଟା ନଗର ଟ୍ରେନ ଧକ୍କା ଦେଇଥିଲା ।
ଅପରପାର୍ଶ୍ୱରୁ ଟ୍ରେନ ଆସୁଥିବାବେଳେ ଭୁଲ ବସତଃ ଲେବଲ କ୍ରଂସି ପାର ହେଉଥିଲେ ଏହି ଶ୍ରମିକମାନେ । ଯାହା ଫଳରେ ଟ୍ରେନଟି ଧକ୍କା ଦେଇଥିଲା । ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ହୋଇଛି । ଖବର ପାଇ ଜିଆରପି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତକଙ୍କ ପରିଚୟ ମିଳିପାରିନଥିବା ବେଳେ ସମସ୍ତେ ଶ୍ରମିକ ଶ୍ରେଣୀର ହୋଇଥିବା ଅନୁମାନ କରୁଛି ପୋଲିସ ।
