ବଢୁଛି ଚାଷୀ ଆନ୍ଦୋଳନ, ସୀମାରେ ଚାଷୀଙ୍କ ଟ୍ରାକ୍ଟର ପରେଡର ରିହର୍ସାଲ
ନୂଆଦିଲ୍ଲୀ: ନୂଆ କୃଷି ବିଲକୁ ବିରାେଧ କରି ଦୀର୍ଘ ୪୩ ଦିନ ଧରି ଆନ୍ଦୋଳନରେ ବସିଛନ୍ତି କୃଷକ ସଙ୍ଗଠନ। ଏହାରି ମଧ୍ୟରେ ଅନେକ ଚାଷୀଙ୍କ ଜୀବନ ଯାଇଥିବା ବେଳେ ଏଯାବତ୍ ସମାଧାନର ବାଟ ଫିଟି ପାରୁନାହିଁ ।
ସରକାରଙ୍କ ସହ ବୈଠକ ବସୁଥିଲେ ବି କୗଣସି ସୁଫଳ ମିଳିପାରୁନାହିଁ । ନୂଆ କୃଷି ଆଇନକୁ ନେଇ କାଲି ପୁଣିଥରେ କେନ୍ଦ୍ର ସରକାରଙ୍କ ସହ ଚାଷୀ ସଂଗଠନର ହେବ ଆଲୋଚନା । ଏହା ପୂର୍ବରୁ ଆଜି ନିଜର ଶକ୍ତି ପ୍ରଦର୍ଶନ କରିବେ ହଜାର ହଜାର ଚାଷୀ ।
ଜାନୁଆରୀ ୨୬ ଗଣତନ୍ତ୍ର ଦିବସ ପୂର୍ବରୁ ଆଜି ସୀମାରେ ହେବ ଚାଷୀଙ୍କ ଟ୍ରାକ୍ଟର ପରେଡର ରିହର୍ସାଲ । ଗାଜୀପୁର ବର୍ଡରରୁ ପଲବଲ ପର୍ଯ୍ୟନ୍ତ ଚାଷୀମାନେ ଟ୍ରାକ୍ଟର ରାଲି ବାହାର କରିବେ। ଯଦି କାଲି ହେବାକୁ ଥିବା ବୈଠକରେ ସରକାର ଦାବି ନ ମାନନ୍ତି, ତେବେ ଆନ୍ଦୋଳନକୁ ଆହୁରି ବ୍ୟାପକ କରିବା ପାଇଁ ଚେତାବନୀ ଦେଇଛନ୍ତି ଚାଷୀ ସଂଗଠନ ।
ତେବେ ଯଦି ୮ ତାରିଖ ବୈଠକରେ ସରକାର ଦାବି ନ ମାନନ୍ତି ତେବେ ୯ ତାରିଖଠୁ ଜୋରଦାର ହେବ ଆନ୍ଦୋଳନ। ସେହିପରି ହରିୟାଣାରେ କୃଷି ସଙ୍ଗଠନ ଘର ଘର ବୁଲି ଆଇନ୍ ବିରୋଧରେ ଜନ ସଚେତନତା କାର୍ଯ୍ୟକ୍ରମ ଆରମ୍ଭ କରିବା ପାଇଁ ମଧ୍ୟ ଅଣ୍ଟା ଭିଡିଛନ୍ତି।
