ଧାନ ବିଲରେ ଟ୍ରାକ୍ଟର ଓଲଟି ଚାଷୀ ଦମ୍ପତି ମୃତ
ରାଉରକେଲା: ଧାନ ବିଲରେ ଗଲା ସ୍ୱାମୀ, ସ୍ତ୍ରୀଙ୍କ ଜୀବନ । ଯେଉଁ ବିଲକୁ ପୁଞ୍ଜି କରି ଜୀବନ ଜିଉଁଥିଲେ, ସେହି କ୍ଷେତରେ ହିଁ ଶେଷରେ ଜୀବନ ଚାଲିଯାଇଛି । ସୁନ୍ଦରଗଡ଼ ସଦର ଥାନା ଅନ୍ତର୍ଗତ ଖଇରଖମନ ଗାଁରେ ଘଟିଛି ଏଭଳି ଅଭାବନୀୟ ଘଟଣା । ଧାନ ବିଲରେ ଟ୍ରାକ୍ଟର ଓଲଟି ଦମ୍ପତି ମୃତ୍ୟୁ ବରଣ କରିଥିବା ସୂଚନା ମିଳିଛି ।
ସକାଳେ ଧାନ ଆଣିବାକୁ ଟ୍ରାକ୍ଟର ନେଇ ବିଲକୁ ଯାଇଥିଲେ ସ୍ୱାମୀ, ସ୍ତ୍ରୀ । ଟ୍ରାକ୍ଟରରୁ ଓହ୍ଲାଇବା ବେଳେ ଦୁର୍ଭାଗ୍ୟବଶତଃ ଟ୍ରାକ୍ଟରଟି ଓଲଟି ପଡ଼ିଥିଲା । ଧାନ ବିଲରେ ହିଁ ଟ୍ରାକ୍ଟରରେ ଚାପି ହୋଇ ପ୍ରାଣ ହରାଇଛନ୍ତି ସ୍ୱାମୀ, ସ୍ତ୍ରୀ । ସୂଚନା ପାଇ ସୁନ୍ଦରଗଡ଼ ସଦର ଥାନା ପୋଲିସ ପହଞ୍ଚିବା ସହ ତଦନ୍ତ କରୁଛି ।
