ଭାରସାମ୍ୟ ହରାଇ ଖାଇକୁ ଖସି ପଡ଼ିଲା ବସ୍, ୭ ମୃତ

କୁଲ୍ଲୁ: ହିମାଚଳପ୍ରଦେଶ କୁଲ୍ଲୁରେ ବସ୍ ଦୁର୍ଘଟଣାଗ୍ରସ୍ତ । ଭାରସାମ୍ୟ ହରାଇ ଖାଇକୁ ଖସି ପଡ଼ିଲା ବସ୍ । ୭ ମୃତ, ୧୦ ଜଣ ଗୁରୁତର ହୋଇଛନ୍ତି । ବସରେ ରାଜସ୍ଥାନ, ମଧ୍ୟପ୍ରଦେଶ, ଦିଲ୍ଲୀ ଓ ହରିୟାଣାର ଯାତ୍ରୀ ଥିଲେ । ଗତକାଲି ବିଳମ୍ବିତ ରାତିରେ ବଞ୍ଜର ଭ୍ୟାଲି ଘିୟାଗୀର ଏନଏଚ୍- ୩୦୫ରେ ବସ୍ ଟି ଦୁର୍ଘଟଣାଗ୍ରସ୍ତ ହୋଇଛି ।

ସୂଚନାଅନୁଯାୟୀ ବସରେ ଚାଳକ ସମେତ ୧୭ ଜଣ ଯାତ୍ରା କରୁଥିଲେ । ପୋଲିସ, ହୋମଗାର୍ଡ ଏବଂ ସ୍ଥାନୀୟ ପ୍ରଶାସନ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରିଛନ୍ତି । ୧୦ ଆହତଙ୍କ ମଧ୍ୟରୁ ୫ ଜଣଙ୍କୁ କୁଲୁଲର ଜୋନାଲ ହସ୍ପିଟାଲକୁ ସ୍ଥାନାନ୍ତର କରାଯାଇଛି ଏବଂ ଅନ୍ୟ ୫ ଜଣଙ୍କ ଚିକିତ୍ସା ସ୍ଥାନୀୟ ହସ୍ପିଟାଲରେ ଚାଲିଛି ।