ହାତୀ କଙ୍କାଳ ଉଦ୍ଧାର ଘଟଣା, ୬ଜଣଙ୍କୁ ଗିରଫ କଲା ବନ ବିଭାଗ
1 min read
କଟକ: ଆଠଗଡ ବନଖଣ୍ଡ ବଡମ୍ବା ରେଞ୍ଜ ଅଞ୍ଚଳରୁ ଦୁଇଟି ହାତୀ କଙ୍କାଳ ଉଦ୍ଧାର ଘଟଣା । ଜଣେ ନିଲମ୍ବିତ ଫରେଷ୍ଟ ଗାର୍ଡ ଓ ୩ଓ୍ବାଚରଙ୍କ ସମେତ ୬ଜଣଙ୍କୁ ଗିରଫ କଲା ବନ ବିଭାଗ । ସମସ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଅଭିଯୁକ୍ତଙ୍କ ମଧ୍ୟରେ ଅଛନ୍ତି ନିଲମ୍ବିତ ଫରେଷ୍ଟ ଗାର୍ଡ ନରେନ୍ଦ୍ର ଦେହୁରୀ । ମାମଲାରେ ବଡ଼ମ୍ବା ରେଞ୍ଜର ସୁରେଶ କୁମାର ଷଡଙ୍ଗୀ ଓ ଖୁଣ୍ଟୁଣି ରେଞ୍ଜର ଗଜେନ୍ଦ୍ର ପାଲ ସିଂହ ମାଥୁରଙ୍କୁ କାର୍ଯ୍ୟରେ ଅବହେଳା ପାଇଁ ନିଲମ୍ବନ କରିଛି ବନ ବିଭାଗ ।
ମାମଲାରେ ପୂର୍ବରୁ ଫରେଷ୍ଟର ପ୍ରଦୀପ ପରିଡା ଓ ବିଟ ଗାର୍ଡ ତନ୍ମୟ ବେହେରାଙ୍କୁ ନିଲମ୍ବିତ କରାଯାଇଛି । ବଡମ୍ବା ରେଞ୍ଜର ଫରେଷ୍ଟର ମନୋଜ ଦାସ ଓ ଫରେଷ୍ଟ ଗାର୍ଡ ନରେନ୍ଦ୍ର ଦେହୁରିଙ୍କୁ ମଧ୍ୟ ସସପେଣ୍ଡ କରିଥିଲା ବନ ବିଭାଗ । ଜେରା ପାଇଁ DFO ଅଫିସ ଆସିଥିବା ବେଳେ ପାଚେରୀ ଡେଇଁ ଫେରାର ହୋଇଯାଇଥିଲେ ମନୋଜ ଦାସ୍ ।ଏଯାଏ ତାଙ୍କର ପତ୍ତା ମିଳିନଥିବାବେଳେ ତାଙ୍କ ବିରୋଧରେ ଗିରଫ ପରଓ୍ବାନା ଜାରି କରାଯାଇଛି ।
