ଭଦ୍ରକ: ଶିଶୁଙ୍କ ପାଇଁ ଉଦ୍ଦିଷ୍ଟ ସେବା ମନ୍ଦିରରେ ନିର୍ଯାତନା ଦିଯାଉଥିବା ଅଭିଯୋଗ। ଭଦ୍ରଗ ବ୍ଲକ ଲାଙ୍ଗୁଡିରେ ଅବସ୍ଥିତି ଉତ୍କଳମଣୀ ଦରିଦ୍ର ନାରାୟଣ ସେବା ମନ୍ଦିରରେ ଶିଶୁଙ୍କୁ ନିର୍ଯାତନା ଦିଆଯାଉଥିବା ନେଇ ଆସିଛି ସାଂଘାତିକ ଅଭିଯୋଗ। ଅନୁଷ୍ଠାନର ସଂପାଦକଙ୍କ ସହ କିଛି କର୍ମଚାରୀଙ୍କ ନାମରେ ଅଭିଯୋଗ ଆଣିଛନ୍ତି ଅନୁଷ୍ଠାନର ଅନ୍ତେବାସୀ। ଅନାଥ ଓ ବେସାହାରା ପିଲାଙ୍କୁ ସହାୟତା ଲାଗି ଏହି ଅନୁଷ୍ଠାନକୁ ସରକାରଙ୍କ ତରଫରୁ ଅନୁଦାନ ମିଳୁଛି। ତେବେ ତାହା ପିଲାଙ୍କ ପାଖରେ ଠିକ ଭାବେ ପହଞ୍ଚି ପାରୁନାହିଁ। ପିଲାଙ୍କ ଖାଇବାଠାରୁ ଆରମ୍ଭ କରି ପୋଷକପାତ୍ର ଓ ବ୍ୟବହାର୍ଯ୍ୟ ସାମଗ୍ରୀ ଠିକ ଭାବେ ମିଳୁନଥିବା ଅଭିଯୋଗ ହୋଇଛି। ଅନୁଷ୍ଠାନରେ ପିଲାମାନଙ୍କୁ ଶାରୀରିକ ଓ ମାନସିକ ନିର୍ଯାତନା ଦିଆଯାଉଥିବା ଅଭିଯୋଗ ହୋଇଛି। ଏ ସଂପର୍କରେ ମୁହଁ ଖୋଲିଲେ ପିଲାମାନଙ୍କୁ ବାହାର କରି ଦିଆଯିବାର ଧମକ ଦିଆଯାଉଛି।
ବାରମ୍ବାର ଅଭିଯୋଗ ପରେ କୌଣସି ସୁଫଳ ନମିଳିବାରୁ ଭଦ୍ରକ ଜିଲ୍ଲାପାଳଙ୍କୁ ଭେଟିବା ସହ ଅବ୍ୟବସ୍ଥା ସଂପର୍କରେ ଅବଗତ କରାଇଛନ୍ତି। ଜିଲ୍ଲାପାଳଙ୍କ ନିର୍ଦେଶ କ୍ରମେ ମହିଳା ଓ ଶିଶୁ ବିକାଶ ବିଭାଗର ଜିଲ୍ଲା ଶିଶୁ ସୁରକ୍ଷା ୟୁନିଟ ଅନୁଷ୍ଠାନକୁ ଗସ୍ତ କରିବା ସହିତ ଘଟଣାର ତଦନ୍ତ ଆରମ୍ଭ କରିଛି। ତଦନ୍ତ ପରେ ଯାଞ୍ଚ ରିପୋର୍ଟ ଜିଲ୍ଲାପାଳଙ୍କୁ ଦିଆଯିବ ବୋଲି ସୂଚନା ଦେଇଛନ୍ତି ଭଦ୍ରକ ଜିଲ୍ଲା ଶିଶୁ ସୁରକ୍ଷା ଅଧିକାରୀ। ଅନ୍ୟପଟେ କୁନି କୁନି ପିଲାଙ୍କ ଅଭିଯୋଗକୁ ଖଣ୍ଡନ କରିଛନ୍ତି ଉତ୍କଳମଣୀ ଦରିଦ୍ର ନାରାୟଣ ସେବା ମନ୍ଦିରର ସଂପାଦକ। ପିଲାଙ୍କୁ ଆବଶ୍ୟକୀୟ ଖାଦ୍ୟପେୟ ଦିଆଯିବ ସହ ଉଚିତ ଯତ୍ନ ନିଆଯାଉଥିବା କହିଛନ୍ତି
