ଆସନ୍ତାକାଲି ବିଜୁ ଜୟନ୍ତୀ: ନବୀନ ଓଡ଼ିଶା ପାଇଁ ନିଆଯିବ ସଂକଳ୍ପ

ଭୁବନେଶ୍ବର: ଆସନ୍ତାକାଲି ବିଜୁ ଜୟନ୍ତୀରେ ନବୀନ ଓଡ଼ିଶା ପାଇଁ ନିଆଯିବ ସଂକଳ୍ପ l ବିଜେଡିର ନିଷ୍ପତି ଅନୁସାରେ ସବୁ ନିର୍ବାଚନମଣ୍ଡଳୀରେ ସଂକଳ୍ପ ସମାବେଶ ହେବ । ନବୀନ ଓଡ଼ିଶାର ସଂକଳ୍ପ ନେବେ ବିଜେଡି ନେତା ଓ କର୍ମୀ ।

ନୂଆ ସଶକ୍ତ ଓଡ଼ିଶା ଗଠନ ଆହୁରି ବ୍ୟାପକ ହେବ l ୨୩ ବର୍ଷ ଶାସନରେ ବିଜୁ ପଟ୍ଟନାୟକଙ୍କ ଅଭିଳାଷ ପୂରଣ କରିବା ପାଇଁ ବିଜେଡି କାମ କରିଛି। ବିଜୁ ଜୟନ୍ତୀରେ ସାଇକେଲ ଶୋଭାଯାତ୍ରା ସହ ବିଭିନ୍ନ କାର୍ଯ୍ୟକ୍ରମ ହେବ ବୋଲି ବିଜେଡି ବିଧାୟକ ଶଶିଭୂଷଣ ବେହେରା କହିଛନ୍ତି ।

ନବୀନ ଓଡ଼ିଶା ଏକ ନୂତନ ଓଡ଼ିଶା ଓ ବିକାଶଶୀଳ ଓଡ଼ିଶା। ନବୀନ ଏବେ ଏକ ମଡେଲ । ନବୀନ ପଟ୍ଟନାୟକ ବିକାଶ ପୁରୁଷ ଭାବେ ପରିଚିତ । ଆସନ୍ତାକାଲି ବିଜୁବାବୁଙ୍କ ପ୍ରିୟ ଡାକୋଟା ଉନ୍ମୋଚତ ହେବ। ଡାକୋଟା ଏକ ବିମାନ ନୁହେଁ, ଏକ ସ୍ୱାଭିମାନ । ଆସନ୍ତାକାଲି ବିଜୁ ଏକ୍ସପ୍ରେସ ୱେ ମଧ୍ୟ ଲୋକାର୍ପଣ ହେବ ବୋଲି ସରକାରୀ ଦଳ ମୁଖ୍ୟ ସଚେତକ ପ୍ରଶାନ୍ତ ମୁଦୁଲି କହିଛନ୍ତି।