ଭାଉ ଦେଖାଉଛି ଟମାଟୋ, ୫ ଦିନରେ ୪୦ ଟଙ୍କା ବଢ଼ିଲାଣି ଦର

କଟକ/ବାଲେଶ୍ୱର: ନାଲି ଆଖି ଦେଖାଇଲାଣି ଟମାଟୋ । ହଠାତ୍ ବିଲାତି ଦର ବୃଦ୍ଧିକୁ ନେଇ ଖାଲି ଗ୍ରାହକ ନୁହଁନ୍ତି ବ୍ୟବସାୟୀ ବି ଚିନ୍ତାରେ ପଡ଼ିଲେଣି । ୫ ଦିନ ମଧ୍ୟରେ ଟମାଟୋ ଦର କେଜି ପିଛା ୨୦ରୁ ୬୦ ଟଙ୍କା ବୃଦ୍ଧି ପାଇଛି । ଏବେ ଟମାଟୋର ଦାମ ୬୦ରୁ ୭୦ ଟଙ୍କା ରହିଛି । ବେଙ୍ଗାଳୁରୁ ଓ ନାସିକରୁ ଆମଦାନୀ କମିବା ଫଳରେ ଦର ବୃଦ୍ଧି ପାଇଛି । ସ୍ଥାନୀୟ ଅଞ୍ଚଳରେ ବିଲାତି ଅମଳ ଯଥେଷ୍ଟ ହେଉନାହିଁ । ତେଣୁ ବର୍ତ୍ତମାନ ପଶ୍ଚିମବଙ୍ଗ ବେଙ୍ଗଲ ଉପରେ ନିର୍ଭର କରିବାକୁ ପଡୁଛି ।

୫ ଦିନରେ ତିନିଗୁଣା ହେଲାଣି ଟମାଟୋ ଦାମ । ଖାଉଟିଙ୍କ ରୋଷେଇ ଘରୁ ଉଭାନ ହେଲାଣି ଟମାଟୋ । ମୂଲ୍ୟ ବୃଦ୍ଧି ଯୋଗୁଁ ବ୍ୟବସାୟ ବି କମିଲାଣି । ଗତ ୪ରୁ ୫ ଦିନ ତଳେ ଦର ଥିଲା ୨୦ରୁ ୨୫ ଟଙ୍କା । ଏବେ ଦର ବୃଦ୍ଧି ଘଟି କିଲୋଗ୍ରାମ ପିଛା ୬୦ରୁ ୭୦ ଟଙ୍କାରେ ପହଞ୍ଚିଲାଣି । ବେଙ୍ଗଳୁରୁ ଓ ନାସିକରୁ ଆମଦାନୀ କମିବା ଫଳରେ ଦର ବୃଦ୍ଧି ପାଇଛି । ସ୍ଥାନୀୟ ଅଞ୍ଚଳରେ ବିଲାତି ଅମଳ ଯଥେଷ୍ଟ ହେଉ ନାହିଁ । ତେଣୁ ବର୍ତ୍ତମାନ ପଶ୍ଚିମବଙ୍ଗ ଉପରେ ନିର୍ଭର କରିବାକୁ ପଡୁଛି । ଯାହା ଦର ବୃଦ୍ଧିର ମୁଖ୍ୟ କାରଣ ବୋଲି କହିଛନ୍ତି କଟକ ଛତ୍ର ବଜାର ବ୍ୟବସାୟୀ ସଂଘ ସମ୍ପାଦକ । ଏପରି ଅବସ୍ଥା ଆଉ ୧୫ ଦିନ ଲାଗି ରହିବ ବୋଲି ସେ ସୂଚନା ଦେଇଛନ୍ତି ।

ସେହିଭଳି ବାଲେଶ୍ୱର ଖୁଚୁରା ବଜାରରେ ଟମାଟୋ ଦର କିଲୋ ପ୍ରତି ୬୦ ଟଙ୍କାରେ ପହଞ୍ଚିଛି । ୩ ଦିନ ତଳେ ବାଲେଶ୍ୱରରେ ଟମାଟୋ କେଜି ପିଛା ୩୦ ଟଙ୍କା ଥିବାବେଳେ ପ୍ରତି ଦିନ ୧୦ ଟଙ୍କା ଲେଖାଏଁ ବଢି ୬୦ ଟଙ୍କାରେ ପହଞ୍ଚିଲାଣି । ପାଇକାରୀ ବଜାରରେ ଟମାଟୋ କିଲୋ ଆଜି ୫୫ ଟଙ୍କା ରହିଛି । ସେପଟେ ଟମାଟୋର ଏହିପରି ଦର୍ ବୃଦ୍ଧି ଗ୍ରାହକଙ୍କୁ ଚିନ୍ତାରେ ପକାଇଛି । ସବୁ ବ୍ୟଞ୍ଜନରେ ଟମାଟୋର ଚାହିଦା ରହିଥିବାରୁ ଏହାର ଦରବୃଦ୍ଧି ଲୋକଙ୍କ ପକେଟକୁ ବାଧୁଥିବା କହିଛନ୍ତି ଗ୍ରାହକ ।