ମହଙ୍ଗା ମାଡ଼ରେ ଲାଲ ହେଲା ଟମାଟୋ, ୧୦୦ ଟଙ୍କା ପାର୍ ହେଲା ଦର

ଭୁବନେଶ୍ୱର: ପରିବା ବଜାରରେ ଟମାଟୋ ଭାଉ । ମହଙ୍ଗା ହେଲା ଟମାଟୋ । ରାଜ୍ୟରେ ଆକାଶ ଛୁଆଁ ଟମାଟୋ ଦର ।  ଟମାଟୋ କିଲୋ ଶହେ ଟଙ୍କା ଟପିଲାଣି । ଯାହାକୁ ନେଇ ଏବେ ଚିନ୍ତାରେ ଖାଉଟି । କଟକରେ ଟମାଟୋ ରେଟ୍ ୧୨୦ ଥିବା ବେଳେ ଭୁବନେଶ୍ବରରେ ସେଞ୍ଚୁରୀ ମାରିଛି ଟମାଟୋ ଦର । ସେହିପରି ବାଲେଶ୍ବରରେ ଟମାଟୋ କିଲୋ ପିଛା ୧୦ ଟଙ୍କା ବଢି ୬୦, ସମ୍ବଲପୁରରେ ଟମାଟୋ କିଲୋ ପିଛା ରେଟ୍‌୨୦ ଟଙ୍କା ବଢି ୬୦ ଟଙ୍କାରେ ପହଞ୍ଚିଛି । ଓଡ଼ିଶାରେ ଏବେ ଟମାଟୋ ଉତ୍ପାଦନ କମ୍‌ ରହିଛି   । ଟମାଟୋ ସାଧାରଣତଃ ନାସିକ୍ ଓ ରାୟପୁରରୁ ଆସିଥାଏ । ତେବେ ବାତ୍ୟା ଭୟରେ ଭୁବନେଶ୍ୱରକୁ ଯୋଗାଣ ବନ୍ଦ ହୋଇଥିବାରୁ ଟମାଟୋ ଦର ଆକାଶ ଛୁଆଁ ହୋଇଥିବା କୁହାଯାଇଛି । ଆମଦାନୀ ବି କମ୍‌ ରହିଥିବାରୁ ଚଢା ଦରରେ ପରିବା ବିକ୍ରି କରିବାକୁ ବାଧ୍ୟ ହେଉଛନ୍ତି ବ୍ୟବସାୟୀ ।