ଏହି ବ୍ୟକ୍ତିଙ୍କୁ ବିବାହ କରିବାକୁ ଯାଉଛନ୍ତି ଅଭିନେତ୍ରୀ କାଜଲ ଅଗ୍ରଓ୍ୱାଲ

ମୁମ୍ବାଇ: ଚର୍ଚ୍ଚିତ ଅଭିନେତ୍ରୀ କାଜଲ ଅଗ୍ରଓ୍ୱାଲଙ୍କ ବିବାହକୁ ନେଇ ତାଙ୍କ ପ୍ରଶଂସକ ଦୀର୍ଘ ଦିନ ଧରି ଅପେକ୍ଷା କରିଥିବା ବେଳେ ହଠାତ୍ ନିଜ ବିବାହ କଥା ଘୋଷଣା କରିଛନ୍ତି ଏହି ଅଭିନେତ୍ରୀ । ଚଳିତ ମାସ ୩୦ ଅକ୍ଟୋବରକୁ ଗୌତମ କିଚଲୁଙ୍କୁ ବିବାହ କରିବେ କାଜଲ । ବଲିଉଡ ଏବଂ ଟଲିଉଡରେ ଅଭିନୟର ଜଲଓ୍ୱା ଦେଖାଇଥିବା କାଜଲଙ୍କ ବିଷୟରେ ଯଦିଓ ତାଙ୍କ ପ୍ରଶଂସକ ବହୁତ କିଛି ଜାଣିଛନ୍ତି କିନ୍ତୁ ତାଙ୍କ ଭାବି ସ୍ୱାମୀଙ୍କ ବିଷୟରେ ବୋଧହୁଏ କେହି କିଛି ଜାଣିନଥିବେ ।

ସୂଚନା ମୁତାବକ କିଚଲୁ ଜଣେ Enterprenure And Discern Living Design Shopର ଫାଉଣ୍ଡର । ଘର ଡିଜାଇନ ବ୍ୟତୀତ କିଚଲୁଙ୍କ କମ୍ପାନୀ ଫର୍ଣ୍ଣିଚର,ଡେକୋର ଆଇଟମ୍ସ, ପେଣ୍ଟିଂସ ଏବଂ ଅନ୍ୟ ହାଉସହୋଲ୍ଡ ଉପକରଣ ବିକ୍ରି କରନ୍ତି । ସୂଚନାଯୋଗ୍ୟ ପୂର୍ବରୁ କାଜଲଙ୍କ ସହିତ ତାଙ୍କର କୌଣସି ଫଟୋ ସାମ୍ନାକୁ ଆସିନାହିଁ । କିନ୍ତୁ ଯଦି ଗୌତମଙ୍କ ଇଂଷ୍ଟାଗ୍ରାମ ଉପରେ ନଜର ପକାଇବା ତେବେ ଜାଣିପାରିବେ କି ୨୦୧୬ରେ କାଜଲ ତାଙ୍କ ଅଫିସିଆଲ ଆକାଉଣ୍ଟରୁ ଗୌତମଙ୍କ ଏକ ପୋଷ୍ଟରେ ରିଆକ୍ଟ କରିଛନ୍ତି । ତେବେ ବିବାହ କଥା ଘୋଷଣା ହେବାପରେ ଦୁଇଜଣଙ୍କର କିଛି ପୁରୁଣା ଫଟୋ ଭାଇରାଲ ହେଉଛି ।

ସୂଚନାଯୋଗ୍ୟ ୧୬ ବର୍ଷ ହେବ ଇଣ୍ଡଷ୍ଟ୍ରିରେ କାମ କରୁଥିବା କାଜୋଲ ‘କ୍ୟୋଁ ହୋ ଗୟା ନା’ରେ ବଲିଉଡରେ ଡେବ୍ୟୁ କରିଥିଲେ । ଏହାପରେ ତାଙ୍କୁ ସାଉଥ ଫିଲ୍ମରେ ଅଫର ଆସିବା ଆରମ୍ଭ ହେଲା । ଏବେ ସେ ସାଉଥ ଫିଲ୍ମ ଇଣ୍ଡଷ୍ଟ୍ରିର ଜଣେ ଲୋକପ୍ରିୟ ଅଭିନେତ୍ରୀ । ତେବେ କେବଳ ଦକ୍ଷିଣ ଭାରତୀୟ ଫିଲ୍ମ ନୁହେଁ ବରଂ ହିନ୍ଦୀ ଫିଲ୍ମରେ ମଧ୍ୟ ତାଙ୍କ ନିଖୁଣ ଅଭିନୟର ଛାପ ନଜର ଆସିଛି ।