କରୋନା ପାଇଁ ଏକ ବର୍ଷ ଘୁଞ୍ଚିଲା ଟୋକିଓ ଅଲିମ୍ପିକ୍ସ

କରୋନା ଭାଇରସ୍‌ ଯୋଗୁଁ ଟୋକିଓ ଅଲିମ୍ପିକ୍ସକୁ ଏକ ବର୍ଷ ପାଇଁ ସ୍ଥଗିତ ରଖାଯାଇଛି । Covid -19 ଆରମ୍ଭ ହେତୁ ଅଲିମ୍ପିକ୍ସର ଭବିଷ୍ୟତ ବିପଦରେ ଥିଲା । କେବଳ ଆମେରିକା, କାନାଡା, ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡ ଅଲିମ୍ପିକ୍ ଗେମ୍ସ ପାଇଁ ଖେଳାଳି ନ ପଠାଇବାକୁ ନିଷ୍ପତ୍ତି ନେବା ପରେ ଖେଳକୁ ଏକ ବର୍ଷ ସ୍ଥଗିତ ରଖିବାକୁ ଚାପ ପଡିଥିଲା ।

ଅଲିମ୍ପିକ୍ ଗେମ୍ସ ୨୪ ଜୁଲାଇରୁ ୯ ଅଗଷ୍ଟ ୨୦୨୦ ପର୍ଯ୍ୟନ୍ତ ଅନୁଷ୍ଠିତ ହୋଇଥାନ୍ତା । କିନ୍ତୁ ଏହା ବର୍ତ୍ତମାନ ୨୦୨୧ ରେ ଖେଳାଯିବ । ବର୍ତ୍ତମାନ ପର୍ଯ୍ୟନ୍ତ, Covid-19 ଯୋଗୁଁ ସାରା ବିଶ୍ୱରେ ୧୭,୦୦ ରୁ ଅଧିକ ଲୋକ ପ୍ରାଣ ହରାଇଛନ୍ତି ।

ଜାପାନର ପ୍ରଧାନମନ୍ତ୍ରୀ ସିଞ୍ଜୋ ଆବେ କହିଛନ୍ତି ଯେ ଖେଳକୁ ଏକ ବର୍ଷ ସ୍ଥଗିତ ରଖିବାକୁ ସେ ଆନ୍ତର୍ଜାତୀୟ ଅଲିମ୍ପିକ୍ କମିଟିକୁ ନିବେଦନ କରିଛନ୍ତି । ଯାହା ଆଇଓସି ରାଜି ହୋଇଛନ୍ତି ଏବଂ ଖେଳର ମହାକୁମ୍ବକୁ ଏକ ବର୍ଷ ପାଇଁ ସ୍ଥଗିତ ରଖିବାକୁ ସ୍ଥିର କରାଯାଇଛି ।

ଆଇଓସି ସଭାପତି ଥୋମାସ୍ ବାକ ସହ କଥା ହେବା ପରେ ସିଞ୍ଜୋ ଆବେ କହିଛନ୍ତି ଯେ ମୁଁ ଟୋକିଓ ଅଲିମ୍ପିକ୍ ଗେମ୍ସକୁ ଏକ ବର୍ଷ ପାଇଁ ସ୍ଥଗିତ ରଖିବାକୁ ପ୍ରସ୍ତାବ ଦେଇଥିଲି ଏବଂ ଚେୟାରମ୍ୟାନ୍ ବକ୍ ଏଥିରେ ରାଜି ହୋଇଛନ୍ତି ।