ଟୋକିଓ: କରୋନା କାଳରେ ଟୋକିଓ ଅଲମ୍ପିକ୍ସ ଜୁଲାଇ ୨୩ରୁ ଆରମ୍ଭ ହୋଇଛି । ୩୨ତମ ଅଲମ୍ପିକ୍ ଗେମ୍ସର ଉଦଘାଟନୀ ସମାରୋହରେ ଭାରତୀୟ ଦଳର ନେତୃତ୍ୱ ନେଇଛନ୍ତି ୬ ଥର ବିଶ୍ୱ ଚାମ୍ପିଅନ୍ ମେରି କମ୍ ଏବଂ ପୁରୁଷ ହକି ଦଳର ଅଧିନାୟକ ମନପ୍ରୀତ ସିଂ ।

ଜାପାନ ଶାସକ ନାରୁହିଟୋ ଅନ୍ତର୍ଜାତୀୟ ଅଲମ୍ପିକ୍ କମିଟି (ଆଇଓସି)ର ମୁଖ୍ୟ ଥୋମାସ୍ ବାକଙ୍କ ସହ ଷ୍ଟାଡିୟମରେ ପହଞ୍ଚିଥିଲେ। ଟୋକିଓ ୨୦୨୦ର ପ୍ରତୀକ ପ୍ରଦର୍ଶନ କରିବାକୁ ୨୦ ସେକେଣ୍ଡ ଯାଏଁ ନୀଳ ଏବଂ ଧଳା ରଙ୍ଗର ଆତସବାଜି କରାଯାଇଥିଲା ।

#WATCH | The Indian contingent led by flagbearers boxer MC Mary Kom & men's hockey team captain Manpreet Singh enters the Olympic Stadium in Tokyo

(Video source: Doordarshan Sports) pic.twitter.com/G0hiGR7rBW

— ANI (@ANI) July 23, 2021

ଉଲ୍ଲେଖଯୋଗ୍ୟ, ଜୁଲାଇ ୨୩ରେ ନ୍ୟାସନାଲ୍ ଷ୍ଟାଡିୟମରେ ଅନୁଷ୍ଠିତ ସମାରୋହରେ ଶାରୀରିକ ଭାବେ କମ୍ ସଂଖ୍ୟକ ବ୍ୟକ୍ତି ସାମିଲ ହେବା ନେଇ ଆୟୋଜକମାନେ ପ୍ରକାଶ କରିଥିଲେ । ଏପରିକି  ଟୋକିଓ ଅଲମ୍ପିକ ବେଳେ କରୋନା ସଂକ୍ରମଣ ବଢ଼ିବା ଆଶଙ୍କା କରି ଖେଳ ସରିବା ଯାଏଁ ଜାପାନ ସରକାରଙ୍କ ପକ୍ଷରୁ ଏମର୍ଜେନ୍ସି ଘୋଷଣା କରାଯାଇଛି। ତେବେ ଏହି ଉତ୍ସବରେ ଅନ୍ତର୍ଜାତୀୟ ଅତିଥିମାନଙ୍କ ମଧ୍ୟରେ ଆମେରିକାର ଫାଷ୍ଟ୍ ଲେଡି ଜିଲ୍ ବିଡେନ ସାମିଲ ।