ଟୋକିଓ ଅଲିମ୍ପିକ୍ ପାଇଁ ଘୋଷଣା ହେଲା ନୂଆ ତାରିଖ…

ଆସନ୍ତା ବର୍ଷ ଟୋକିଓରେ ହେବାକୁ ଥିବା ଅଲିମ୍ପିକ୍ ଇଭେଣ୍ଟ ପାଇଁ ଆନ୍ତର୍ଜାତୀୟ ଅଲିମ୍ପିକ୍ କମିଟି ନୂଆ ତାରିଖ ଘୋଷଣା କରିଛି । ଅଲିମ୍ପିକ୍ ଗେମ୍ସ ୨୦୨୧ ରେ ୨୩ ଜୁଲାଇରୁ ୮ ଅଗଷ୍ଟ ପର୍ଯ୍ୟନ୍ତ ଅନୁଷ୍ଠିତ ହେବ । ଏହାପୂର୍ବରୁ ଅଲିମ୍ପିକ୍  ୨୦୨୦ ଜୁଲାଇ ୨୪ରୁ ୯ ଅଗଷ୍ଟ ମଧ୍ୟରେ ଅନୁଷ୍ଠିତ ହେବକୁ ଥିଲା । କିନ୍ତୁ କରୋନା ଭାଇରସ୍‌ ପାଇଁ ଅଲିମ୍ପିକ୍‌କୁ  ଏକ ବର୍ଷ ପାଇଁ ସ୍ଥଗିତ ରଖାଯାଇଛି । ପାରାଅଲିମ୍ପିକ୍ ଗେମ୍ସ ୨୪ ଅଗଷ୍ଟରୁ ୫ ସେପ୍ଟେମ୍ବର ୨୦୨୧ ପର୍ଯ୍ୟନ୍ତ ଅନୁଷ୍ଠିତ ହେବ ।

ଗତ ସପ୍ତାହରେ ଅନ୍ତର୍ଜାତୀୟ ଅଲିମ୍ପିକ୍ କମିଟି ଅଲିମ୍ପିକ୍ ଖେଳ ସ୍ଥଗିତ ରଖିବାକୁ ଘୋଷଣା କରିଥିଲା। ଅଲିମ୍ପିକ୍ ଖେଳକୁ ସ୍ଥଗିତ ରଖିବାକୁ ଜାପାନର ପ୍ରଧାନମନ୍ତ୍ରୀ ସିଞ୍ଜୋ ଆବେ ଅଲିମ୍ପିକ୍ କମିଟିକୁ ସୁପାରିଶ କରିଥିଲେ । ପ୍ରଧାନମନ୍ତ୍ରୀଙ୍କ ସୁପାରିଶକୁ ଗ୍ରହଣ କରି ଅଲିମ୍ପିକ୍ କମିଟି ଖେଳକୁ ଏକ ବର୍ଷ ସ୍ଥଗିତ ରଖିବାକୁ ନିଷ୍ପତ୍ତି ନେଇଥିଲା ।