Tokyo Olympics 2020: ମାତ୍ର ୧୩ ବର୍ଷ ବୟସରେ ଅଲମ୍ପିକରେ ଇତିହାସ ରଚିଲେ ଜାପାନର ମୋମିଜୀ ନିଶିୟା

ଟୋକିଓ ଅଲମ୍ପିକ୍ ୨୦୨୦: ଅଲିମ୍ପିକ୍ସର ଚତୁର୍ଥ ଦିନରେ ବେଶ ଦମ୍ ଦେଖାଇଛନ୍ତି କିଶୋର ଖେଳାଳି । ତେବେ ଆକର୍ଷଣର କେନ୍ଦ୍ରବିନ୍ଦୁ ଥିଲେ ୧୩ ବର୍ଷର ଦୁଇ କିଶୋରୀ ଖେଳାଳି । ପ୍ରତିଯୋଗିତା ଥିଲା ସ୍କେଟ୍ ବୋର୍ଡିଂ । ପଦକ ପାଇଁ ଚାଲିଥିଲା ଫାଇଟ୍ । ଯେଉଁଥିରେ ଜାପାନର ନିଶିଆ ମୋମୋଜି ସ୍ୱର୍ଣ୍ଣ ପଦକ ହାସଲ କରିଥିବାବେଳେ ରୌପ୍ୟ ପଦକ ହାସିଲ କରିଛନ୍ତି ବ୍ରାଜିଲର ରାଇସା ଲିଲ୍ ।

ଆଶ୍ଚର୍ଯ୍ୟଜନକ କଥା ହେଉଛି ଉଭୟ ଖେଳାଳିଙ୍କ ବୟସ ମାତ୍ର ୧୩ ବର୍ଷ ଥିଲା । ମହିଳା ସ୍କେଟବୋର୍ଡିଂ ଇଭେଣ୍ଟରେ ଜାପାନର ୧୮ ବର୍ଷୀୟା ଫୁନା ନାକାୟାମା ବ୍ରୋଞ୍ଜ ପଦକ ହାସଲ କରିଥିଲେ । ଏହି ତିନୋଟି ଖେଳାଳିଙ୍କ ପାଇଁ ଏହା ପ୍ରଥମ ଅଲିମ୍ପିକ୍ସ ଥିଲା । ଆଉ ଏହି ତିନି ଖେଳାଳିଙ୍କ ପ୍ରଥମ ପ୍ରଦର୍ଶନ ବି ଚମତ୍କାର ଥିଲା ।

ଆଉ ଦେଶ ପାଇଁ ପଦକ ଜିତି ଇତିହାସ ମଧ୍ୟ ସୃଷ୍ଟି କରିଥିଲେ ଏହି ତିନି କିଶୋରୀ । ସ୍କେଟ୍ ବୋର୍ଡିଂ ଇଭେଣ୍ଟରେ ସ୍ୱର୍ଣ୍ଣ ପଦକ ଜିତିବା ପରେ ଜାପାନର ନିଶିୟା ମୋମୋଜି ଖୁସିରେ ଆତ୍ମହରା ହୋଇପଡିଥିଲେ । କାନ୍ଦି କାନ୍ଦି ସେ କହିଥିଲେ ଏହି ସଫଳତା ମୋମୋଜି ପାଇଁ ବଡ ଥିଲା ।