ହାଡ଼ଭଙ୍ଗା ଶୀତରେ ଥରୁଛି ପୁରା ରାଜ୍ୟ, ୧୫ ଡିଗ୍ରୀ ତଳେ ରହିଛି ୧୬ ସହର
ଭୁବନେଶ୍ୱର: ଜାଡ଼ରେ ଥରୁଛି ସାରା ରାଜ୍ୟ । ପାରଦ ଖସୁଛି, ଶୀତ ବଢୁଛି । ୧୫ ଡିଗ୍ରୀ ତଳେ ରହିଛି ୧୬ ସହର । ସବୁଠୁ ଥଣ୍ଡା ସହର ହେଉଛି ସୋନପୁର । ସୋନପୁରରେ ସର୍ବନିମ୍ନ ତାପମାତ୍ରା ୮.୪ ରହିଥିବା ବେଳେ ଦାରିଙ୍ଗବାଡିରେ ୯, ଫୁଲବାଣୀ ଓ ଅନୁଗୁଳରେ ୧୦ଡିଗ୍ରୀ, ଭବାନୀପାଟଣାରେ ୧୦.୮, ଝାରସୁଗୁଡା ୧୧.୮, ତାଳଚେର ୧୨, କେନ୍ଦୁଝର ୧୨.୮ , ସୁନ୍ଦରଗଡ ୧୩, ବଲାଙ୍ଗୀର ୧୩.୨, କୋରାପୁଟ ୧୩.୨, ବାରିପଦା ୧୪, ହୀରାକୁଦ ୧୪.୧, ସମ୍ବଲପୁର ୧୪.୨, ଟିଟିଲାଗଡ ରେ ୧୪.୨, ବୌଦ୍ଧ ୧୪.୫ଡ଼ିଗ୍ରୀ ରହିଛି ସର୍ବନିମ୍ନ ତାପମାତ୍ରା ।
ସେହିପରି କଟକରେ ୧୫ ଏବଂ ଭୁବନେଶ୍ୱରରେ ୧୬.୬ ଡ଼ିଗ୍ରୀ ରହିଛି ତାପମାତ୍ରା । ବୌଦ୍ଧ , ସୁନ୍ଦରଗଡ ଏବଂ ସୋନପୁର ରେ ଘନ କୁହୁଡିର ଆସ୍ତରଣ ଦେଖିବାକୁ ମିଳିଥିବା ବେଳେ ବୌଦ୍ଧରେ ଦୃଶ୍ୟମାନ ଦୂରତା ୫୦ମିଟର ରହିଛି । ସୁନ୍ଦରଗଡ଼ ଏବଂ ସୋନପୁରରେ ଦୃଶ୍ୟମାନ ଦୂରତା ୧୦୦ମିଟର ରୁ କମ ଥିବା ସୂଚନା ମିଳିଛି । କୋରାପୁଟ ଏବଂ ଫୁଲବାଣୀରେ ମଧ୍ୟମ ଧରଣର କୁହୁଡି ଥିବା ବେଳେ ଦୃଶ୍ୟମାନ ଦୂରତା ୫୦୦ମିଟରରୁ କମ ଥିବା ସୂଚନା ମିଲିଛି ।
