ଭୁବନେଶ୍ୱର: ଅସମ୍ଭାଳ କରିବ ତାତି। ଚଳିତବର୍ଷ ମାର୍ଚ୍ଚରୁ ମେ’ ମାସରେ ଅସହ୍ୟ ହେବ ତାତି। ସ୍ୱାଭାବିକଠାରୁ ଅଧିକ ତାପମାତ୍ରା ରହିବା ନେଇ ଭାରତୀୟ ପାଣିପାଗ ବିଭାଗର ପୂର୍ବାନୁମାନ କରିଛି। ଫେବୃଆରୀ ସ୍ଥିତି ଅନୁଯାୟୀ IMD ଏଭଳି ଆକଳନ କରିଛି। ଦିନ ତାପମାତ୍ରା ସ୍ବାଭାବିକଠାରୁ ଅଧିକ ରହିବ। ଏହି ୩ମାସ ଲା-ନିନା ସକ୍ରିୟ ରହିବ।
ପୂର୍ବ ପ୍ରଶାନ୍ତ ମହାସାଗରରେ ମଧ୍ୟମ ଧରଣର ଲା-ନିନା ପ୍ରକ୍ରିୟା ସକ୍ରିୟ ରହିବା ସମ୍ଭାବନା ରହିଥିବା ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ରାଜ୍ୟର ୯ ଜିଲ୍ଲାରେ ତାପମାତ୍ରା ୫ଡିଗ୍ରୀ ବଢ଼ିପାରେ । ଖୋର୍ଦ୍ଧା, କଟକ, ଅନୁଗୁଳ, ଯାଜପୁର, ବୌଦ୍ଧ, କେନ୍ଦୁଝର, ମୟୂରଭଞ୍ଜ, ଭଦ୍ରକ, ନୟାଗଡ଼ରେ ତାତି ବଢିବ ବୋଲି ପୂର୍ବାନୁମାନ କରାଯାଇଛି । ଘରୁ ବାହାରିବା ବେଳେ ସତର୍କ ରହିବାକୁ ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ପରାମର୍ଶ ଦିଆଯାଇଛି ।
