ବଢିଲା ସୁନା ରୁପା ଦର, ଜାଣନ୍ତୁ ଆଜିର ମୂଲ୍ୟ

ନୂଆଦିଲ୍ଲୀ: ସୁନା ରୂପା ପ୍ରତି ରୁଚି ସର୍ବଦା ରହୁଥିଲେ ମଧ୍ୟ ବଜାରରେ ଏହାର ଦରଦାମ ଲୋକଙ୍କ ଚିନ୍ତା ବଢାଉଛି । ମଙ୍ଗଳବାରକୁ ଦେଶରେ ସୁନା ଏବଂ ରୁପାର ଦରଦାମ ବୃଦ୍ଧି ହୋଇଛି । ଦେଶର ରାଜଧାନୀ ଦିଲ୍ଲୀରେ ସୁନା ଦର ୪୨୨ ଟଙ୍କା ବୃଦ୍ଧି ହୋଇଛି । ତେବେ ୧୦ ଗ୍ରାମ ସୁନାର ମୂଲ୍ୟ ରହିଛି ୫୩,୦୧୯ ଟଙ୍କା । ରୂପା କଥା ଯଦି ଆଲୋଚନା କରିବା ତେବେ ଏହାର ମୂଲ୍ୟ ୧୦୧୩ ଟଙ୍କା ବୃଦ୍ଧି ହୋଇଛି । ତେବେ ଏକ କିଲୋ ରୂପାର ଦାମ ରହିଛି ୭୦,୭୪୩ ଟଙ୍କା ।

ସୂଚନା ମୁତାବକ ଦିଲ୍ଲୀରେ ୨୪ କ୍ୟାରେଟ ସୁନାର ମୂଲ୍ୟ ୪୨୨ ଟଙ୍କା ବୃଦ୍ଧି ହୋଇଛି । ଚଳିତ ବର୍ଷ ୩୦ ପ୍ରତିଶତ ସୁନା ଦର ବୃଦ୍ଧି ହୋଇଛି । ଗତ ସୋମବାରକୁ ସୁନା ମୂଲ୍ୟ ୫୨,୪୬୨ ଟଙ୍କା ଥିବାବେଳେ ଚାହିଦାକୁ ନଜରରେ ରଖି ରୂପା ମୂଲ୍ୟ ୨୨୨ ଟଙ୍କା ବଢି କିଲୋ ପିଛା ୬୯,୫୯୦କୁ ବୃଦ୍ଧି ହୋଇଥିଲା । ସୂଚନାଯୋଗ୍ୟ କରୋନା ମହାମାରୀ ସମୟରେ ମାର୍ଚ୍ଚ ମାସ ଠାରୁ ସୁନା ଦର ଲଗାତାର ଭାବରେ ବଢି ଚାଲିଛି ।

ଚୀନ୍ ଏବଂ ଆମେରିକା ମଧ୍ୟରେ ତିକ୍ତତା ବୃଦ୍ଧି ଯୋଗୁଁ ଅନ୍ତର୍ଜାତୀୟ ବଜାରରେ ସୁନା ଓ ରୂପା ଦର ବଢୁଛି । ତେଣୁ କରୋନା ସଙ୍କଟ ବଢୁଥିବାରୁ ନିବେଶକମାନେ ଏହି ସ୍ୱଳ୍ପ ବିପଦପୂର୍ଣ୍ଣ ମୂଲ୍ୟବାନ ଧାତୁରେ ବିନିଯୋଗ କରିବାକୁ ଆକର୍ଷିତ ହୋଇଛନ୍ତି ।