୨୪ ଘଣ୍ଟାରେ ଭାରତରେ କରୋନା ସର୍ବାଧିକ ମାମଲା, ବିଶ୍ୱରେ ଭାରତ ଷଷ୍ଠ ସ୍ଥାନରେ ରହିଛି
1 min readନୂଆଦିଲ୍ଲୀ: ଦେଶରେ ବଢୁଛି କରୋନା ସଂକ୍ରମଣ । କମିବାର ନା ନେଉନି ସଂକ୍ରମିତଙ୍କ ସଂଖ୍ୟା । ୨୪ ଘଣ୍ଟାରେ ଆସିଲା ସର୍ବାଧିକ ମାମଲା । ବ୍ରାଜିଲ-ଆମେରିକା ଭଳି ବଢୁଛି ସଂକ୍ରମିତ ଗ୍ରାଫ । କରୋନା ପାଇଁ ସାରା ଦେଶ ଲକଡାଉନ୍ ଥିବାବେଳେ ଏବେ ଅନଲକ୍ ପରିସ୍ଥିତିକୁ ଆସିଛି ହେଲେ କରୋନା ଦିନକୁ ଦିନ ତାର କାୟା ବିସ୍ତାର କରିବାରେ ଲାଗିଛି ।
ଗତକାଲି ଆସିଛି ୯୮୫୧ କେସ୍ । ଯାହାକି ଗୋଟିଏ ଦିନରେ ସର୍ବାଧିକ ଅଟେ । ସେହିଭଳି ୨୭୩ ଜଣକ ମୃତ୍ୟୁ ହୋଇଥିବାବେଳେ ୫,୩୫୫ ଜଣ ସୁସ୍ଥ ହୋଇଛନ୍ତି । ଗତ ୬ ଦିନ ଧରି ଲଗାତାର ଭାବେ ବଢିଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ଦେଶରେ ମୋଟ ୨ ଲକ୍ଷ ୨୬ ହଜାର ୭୭୦ ମାମଲା ଆସିଥିବାବେଳେ ୬,୩୪୮ ଜଣକ ମୃତ୍ୟୁ ହୋଇଛି । ସେହିଭଳି ପ୍ରାୟ ୧ ଲକ୍ଷ ୯ ହଜାର ଲୋକେ ସୁସ୍ଥ ହୋଇ ଘରକୁ ଫେରିଛନ୍ତି । ସାରା ବିଶ୍ୱରେ ଦୃତ ଗତିରେ ବଢୁଥିବା କରୋନା ଦେଶ ମଧ୍ୟରେ ଭାରତ ୬ ନମ୍ବର ସ୍ଥାନରେ ରହିଛି ।
