ଆଜି ଜାତି ନନ୍ଦିଘୋଷ କନକ୍ଲେଭ୍ ୨୦୨୪, ଦିନ ତମାମ ବିଭିନ୍ନ ବିଷୟରେ ହେବ ଚର୍ଚ୍ଚା ଓ ଆଲୋଚନା

ଭୁବନେଶ୍ବର: ୨୦୩୬ରେ ସ୍ବତନ୍ତ୍ର ଉତ୍କଳ ପ୍ରଦେଶ ଗଠନକୁ ପୂରିବ ଶହେ ବର୍ଷ। ଅନେକ ଉତଥାନ ପତନ ଭିତରେ ଗତି କରିଛି ରାଜ୍ୟ। ବିକାଶର ପର୍ଯ୍ୟାୟରେ ଜାରି ରହିଛି ରୂପାନ୍ତରଣ। ତେବେ ୨୦୩୬ବେଳକୁ କିପରି ରହିଥିବ ରାଜ୍ୟ, ଆମେ ଆମ ରାଜ୍ୟକୁ କିପରି ଦେଖିବାକୁ ଚାହୁଁ, ଏଥିଲାଗି ରାସ୍ତା କଣ, କଣ ରହିଛି ପ୍ରତିଟି ଓଡ଼ିଆଙ୍କ ଭିଜନ । ଏସବୁ ଉପରେ ଆଜି ଅନୁଷ୍ଠିତ ହେଉଛି ଜାତି ନନ୍ଦିଘୋଷ କନକ୍ଲେଭ୍ ୨୦୨୪ । ଇତି ମଧ୍ଯରେ ନନ୍ଦିଘୋଷ ଟିଭି ତାର ଚତୁର୍ଥ ସ୍ବନକ୍ଷତ୍ର ପାଳନ କରିଛି । ଏହି ଅବସରରେ ନନ୍ଦିଘୋଷ ଟିଭି ତରଫରୁ ଆୟୋଜିତ ଜାତି ନନ୍ଦିଘୋଷ କନକ୍ଲେଭ ୨୦୨୪ରେ ହେବ ମହାବିତର୍କ । ଦିନ ତମାମ ବିଭିନ୍ନ ବିଷୟରେ ହେବ ଚର୍ଚ୍ଚା ଓ ଆଲୋଚନା । ବିଶିଷ୍ଟ ବ୍ଯକ୍ତି ଓ ନିମନ୍ତ୍ରିତ ଅତିଥି କାର୍ଯ୍ୟକ୍ରମରେ ଉପସ୍ଥିତ ରହି ଦିଗଦର୍ଶନ ଦେବେ। ପ୍ରମୁଖ ପ୍ରସଙ୍ଗରେ ହେବ ଆଲୋଚନା ।

ଓଡ଼ିଶା ୨୦୩୬ ଶୀର୍ଷକରେ ରାଜ୍ଯ ସରକାରଙ୍କ ଏକାମ୍ର ପ୍ରୋଜେକ୍ଟର ଆଡଭାଇଜର ସଂତୃପ୍ତ ମିଶ୍ର ଯୋଗଦେବେ। ଓଡ଼ିଆ ଭାଷା, ସାହିତ୍ଯ, ସଂସ୍କୃତି ଓ ପରମ୍ପରାର ଜୟଯାତ୍ରା ପ୍ରସଙ୍ଗରେ ସଂଗୀତ ନିର୍ଦ୍ଦେଶକ ତଥା ଗାୟକ ତାନସେନ ସିଂ, ବରିଷ୍ଠ ସାମ୍ବାଦିକ ପ୍ରଶାନ୍ତ ପଟ୍ଟନାୟକ, ଓ ଗବେଷକ ଡ. ଗୌରାଙ୍ଗ ଚରଣ ଦାସ ଯୋଗଦେବେ।  ବିଶିଷ୍ଟ ଗଣମାଧ୍ଯମ ବ୍ଯକ୍ତିତ୍ବ, ସିରିନ ସେଠୀ ଏବଂ ଅଭିନେତ୍ରୀ ତଥା ଚଳଚ୍ଚିତ୍ର ନିର୍ମାତା ରେବତୀଙ୍କ ଉପସ୍ଥିତିରେ ଆଞ୍ଚଳିକ ସିନେମାର ଗତି ଓ ପ୍ରଗତି ଶୀର୍ଷକରେ ଆଲୋଚନା କରାଯିବ । ସେହିପରି ଟେଲିଭିଜନ ନ୍ଯୁଜରୁମ ଉପରେ ଏଆଇ ପ୍ରଭାବ ସମ୍ପର୍କରେ ବିସ୍ତୃତ ଆଲୋଚନା କରିବେ ବିଶିଷ୍ଟ ଗଣମାଧ୍ଯମ ବ୍ଯକ୍ତିତ୍ବ, ସିରିନ ସେଠୀ । ଏହି ଅବସରରେ ବିଶିଷ୍ଟ ବ୍ୟକ୍ତି ଓ ବିକଶିତ ପ୍ରତିଭାଙ୍କୁ  ସମ୍ମାନିତ କରିବ ନନ୍ଦିଘୋଷ ଟିଭି । ଆଜି ଦିନ  ୧୦ଟା ୪୫ରୁ ଜାତି ନନ୍ଦିଘୋଷ କନକ୍ଲେଭର ସିଧାପ୍ରସାରଣ ନନ୍ଦିଘୋଷ ଟିଭିରେ ଦେଖିପାରିବେ