୯୧୬ ଜଣ ଯାତ୍ରୀଙ୍କୁ ନେଇ ଦିଲ୍ଲୀ ଚାଲିଲା ସ୍ପେଶାଲ ଟ୍ରେନ୍…
ଭୁବନେଶ୍ୱର: ଭୁବନେଶ୍ୱରରୁ ଦିଲ୍ଲୀ ଚାଲିଲା ଟ୍ରେନ୍ । ଭୁବନେଶ୍ୱର ମାଷ୍ଟରକ୍ୟାଣ୍ଟିନ୍ ୧ ନମ୍ବର ପ୍ଲାଟଫର୍ମରୁ ଟ୍ରେନ୍ ବାହାରିଛି । ଏଥିପାଇଁ ୯୦ ମିନିଟ ପୂର୍ବରୁ ଯାତ୍ରୀଙ୍କୁ ଷ୍ଟେସନ୍ରେ ପହଞ୍ଚିବାକୁ କୁହାଯାଇଥିଲା । ଯାତ୍ରୀମାନେ ଷ୍ଟେସନ୍ରେ ପହଞ୍ଚିବା ପରେ ସେମାନଙ୍କ ମେଡିକାଲ ସ୍କ୍ରିନିଂ କରାଯାଇଥିଲା । ଟ୍ରେନ୍ରେ ମୋଟ୍ ୯୧୬ଜଣ ଯାତ୍ରୀ ଯାଇଛନ୍ତି । ତେବେ ଭୁବନେଶ୍ୱରରୁ ୫୪୭ଜଣ ଯାତ୍ରୀ ଟ୍ରେନ୍ରେ ଉଠିଛନ୍ତି । ଆଜିଠୁ ୧୭ ତାରିଖ ପର୍ଯ୍ୟନ୍ତ ଭୁବନେଶ୍ୱରରୁ ଦିଲ୍ଲୀ ଟ୍ରେନ୍ ଚାଲିବ ।
ଭୁବନେଶ୍ୱରରୁ ନୂଆଦିଲ୍ଲୀ ମଧ୍ୟରେ ବାଲେଶ୍ୱର, ହିଜଲି, ଟାଟା, ବୋକାରୋ ଷ୍ଟିଲ ସିଟି, ଗୟା, ଦିନଦୟାଲ ଉପାଧ୍ୟାୟ ଜଙ୍କସନ, କାନପୁର ସେଣ୍ଟ୍ରାଲରେ ଟ୍ରେନ୍ ଅଟକିବ । ଯାତ୍ରୀଙ୍କୁ ସେମାନଙ୍କ ଖାଦ୍ୟ ଓ ପାନୀୟ ସାଙ୍ଗରେ ନେଇ ଆସିବାକୁ ପରାମର୍ଶ ଦିଆଯାଇଛି । ଷ୍ଟେସନ୍ରେ ଟ୍ରନ୍ ପହଞ୍ଚିବା ପରେ ଟ୍ରନ୍କୁ ସାନିଟଇଜ କରାଯାଇଥିଲା ।
ତେବେ ଟ୍ରେନ୍ ଯାତ୍ରା ପାଇଁ ମାସ୍କ ପିନ୍ଧିବା ବାଧ୍ୟତାମୂଳକ ରହିଥିବା ବେଳେ ସମସ୍ତ ଯାତ୍ରୀ ମାନେ ମାସ୍କ ପିନ୍ଧି ଆସିଥିଲେ । ଯାତ୍ରୀ ଯେଉଁ ରାଜ୍ୟକୁ ଯିବେ, ସେଠାକାର ରାଜ୍ୟ ସରକାରଙ୍କ ଦ୍ଵାରା ନିର୍ଦ୍ଧାରିତ ନିୟମର ଅନୁପାଳନ କରିବେ। ସତର୍କତା ଦୃଷ୍ଟିରୁ ଟ୍ରେନ୍ କୋଚରେ କମ୍ବଳ, ଚାଦର କିମ୍ବା ପରଦା ରହିବ ନାହିଁ । ତେଣୁ ଯାତ୍ରୀଙ୍କୁ ଆବଶ୍ୟକମତେ ସାମଗ୍ରୀ ଆଣିବାକୁ ଆଗରୁ କୁହାଯାଇଥିଲା ।…
