ଆଜି ପରିଣୀତି ଓ ରାଘବଙ୍କ ବିବାହ

ନୂଆଦିଲ୍ଲୀ: ଆଜି ହେବାକୁ ଯାଉଛି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ଆପ ସାଂସଦ ରାଘବ ଚଢାଙ୍କ ବିବାହ ।  ଦୁହେଁ ରାଜକୀୟ ଅନ୍ଦାଜରେ ରାଜସ୍ଥାନ ଉଦୟପୁରର ଲୀଲା ପ୍ୟାଲେସରେ କରିବେ ବିବାହ । ଉଭୟଙ୍କ ପରିବାର ସଦସ୍ୟ ଉଦୟପୁରରେ ପହଞ୍ଚି ସାରିଛନ୍ତି ।

ଗତକାଲି ପରିବାର ଲୋକଙ୍କ ଗହଣରେ ହଲଦୀ ରସମ୍ ହୋଇଥିଲା । ଉଭୟ ବରକନ୍ୟାଙ୍କ ଫଟୋ ସୋସିଆଲ ମିଡିଆରେ ସେୟାର କରାଯାଇଥିଲା । ଉଦୟପୁର ଏୟାରପୋର୍ଟରେ ବାଜା ବଜାଇ ପରିଣୀତି-ରାଘବଙ୍କ ଗ୍ରାଣ୍ଡ ଓ୍ବେଲକମ୍ କରାଯାଇଥିଲା ।  ଆଜି ବିବାହରେ ପରିଣୀତିଙ୍କ ବଡ ଭଉଣୀ ପ୍ରିୟଙ୍କା ଚୋପ୍ରା ଯୋଗଦେବେନି ବୋଲି ଜଣାପଡିଛି । ତେବେ ଉଦୟପୁରରେ ଦୁଇ ଲଭ ବାର୍ଡ ଜୀବନର ସବୁଠୁ ମୂଲ୍ୟବାନ ମୁହୂର୍ତ୍ତକୁ ଭରପୁର ସେଲିବ୍ରେଟ କରୁଛନ୍ତି । ପ୍ରେମ ରଙ୍ଗରେ ଉଭୟ ମସଗୁଲ ହୋଇଛନ୍ତି । ପ୍ରତିଷ୍ଠିତ ଡ୍ରେସ ଡିଜାଇନର ମନୀଷ ମାଲହୋତ୍ରା ପରିଣୀତିଙ୍କ କରିଛନ୍ତି ଲେହେଙ୍ଗା ଡିଜାଇନ ।