ଓଡ଼ିଶା ଝାଡ଼ଖଣ୍ଡ ମଧ୍ୟରେ ଆଜି ହେବ ରଣ୍ଜୀ ମୁକାବିଲା
1 min read
କଟକ: ଆଜି ଓଡ଼ିଶା ଝାଡ଼ଖଣ୍ଡ ରଣ୍ଜୀ ମୁକାବିଲା । ଚଳିତ ସିଜିନର ଏହା ଶେଷ ତଥା ଗୁରୁତ୍ୱପୂର୍ଣ୍ଣ ମ୍ୟାଚ । କଟକ ବାରବାଟୀ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚ ଓଡ଼ିଶା ପାଇଁ କର ବା ମର ସ୍ଥିତି ସୃଷ୍ଟି କରିଛି । ଶେଷ ମ୍ୟାଚରେ ଝାଡ଼ଖଣ୍ଡକୁ ବଡ଼ ବ୍ୟବଧାନରେ ହରାଇଲେ ଓଡ଼ିଶା ରଣଜୀ ଦଳ ପରବର୍ତ୍ତେ ପର୍ଯ୍ୟାୟକୁ ଯିବ । ପୁରା ସିଜିନରେ ଏଲିଟ ଗ୍ରୁପ-ସିରେ ଭଲ କରି ୩୫ ପଏଣ୍ଟ ସହ ଦ୍ୱିତୀୟ ସ୍ଥାନରେ ରହିଛି ଓଡ଼ିଶା ।
ଏହା ଉପରକୁ ୩୯ ପଏଣ୍ଟ ସହ ପ୍ରଥମ ସ୍ଥାନରେ ରହିଛି ଜମ୍ମୁ କାଶ୍ମୀର । ୩୪ ପଏଣ୍ଟ ସହ ତଳକୁ ରହିଛି ସର୍ଭେସେସ୍ । ତେଣୁ ଏହି ମ୍ୟାଚ ଓଡ଼ିଶା ପାଇଁ ଗରୁତ୍ୱପୂର୍ଣ୍ଣ ରହିଛି । ସେପଟେ ଝାଡ଼ଖଣ୍ଡ ବିପକ୍ଷ ମ୍ୟାଚରେ ଖେଳାଳିଙ୍କ ଭଲ ପ୍ରଦର୍ଶନ ନେଇ ଆଶାବାଦୀ ଅଛନ୍ତି ଓଡ଼ିଶା ରଣଜୀ ଟିମର ଅଧିନାୟକ । ଅନ୍ୟପଟେ ଘରୋଇ ପରିବେଶ ଓଡ଼ିଶା ଟିମ ପାଇଁ ସହାୟକ ହେବ ବୋଲି ଆକଳନ କରିଛନ୍ତି କ୍ରୀଡାପ୍ରେମୀ ।
