ଦୁବାଇରୁ ଫେରୁଛନ୍ତି ୨୧୦ଜଣ ଓଡିଆ ପ୍ରବାସୀ
ଭୁବନେଶ୍ୱର: ଆଜି ଦୁବାଇରୁ ଓଡିଆ ପ୍ରବାସୀଙ୍କୁ ନେଇ ଏକ ସ୍ୱତନ୍ତ୍ର ବିମାନ ଭୁବନେଶ୍ୱରରେ ପହଞ୍ଚିବ । ସକାଳ ୧୧ ସୁଦ୍ଧା ଏହି ବିମାନ ପହଞ୍ଚିବ ବୋଲି ସୂଚନା ମିଳିଛି । ୨୧୦ ସିଟ୍ ବିଶିଷ୍ଟ ଏହି ଚାର୍ଟାଡ ବିମାନ ଓଡିଆ ପ୍ରବାସୀଙ୍କୁ ନେଇ ଆସୁଛି । ଆବୁଧାବିରେ ଥିବା ଓଡିଆ ସମାଜ ଏହି ପ୍ରବାସୀଙ୍କ ଟିକେଟ ଖର୍ଚ୍ଚ ବହନ କରୁଛି ।
ପୂର୍ବରୁ ୨୧୬ ଜଣ ଯାତ୍ରୀଙ୍କୁ ନେଇ ଏକ ଚାର୍ଟାଡ ପ୍ଲେନ୍ ଦୁବାଇରୁ ଆସିଥିଲା । ଦୁବାଇରେ ଥିବା ପ୍ରବାସୀ ମାନେ କରୋନା କଟକଣା ଯୋଗୁଁ ଅଟକି ରହିଥିଲେ । ସେମାନଙ୍କୁ ସ୍ୱଦେଶ ଫେରାଇବାକୁ ଅଣ୍ଟା ଭିଡିଥିଲା ଆବୁଧାବି ଓଡିଆ ସମାଜ । ପ୍ରଥମ ପର୍ଯ୍ୟାୟରେ ୨୧୬ ଯାତ୍ରୀଙ୍କୁ ଓଡିଶା ପଠାଇ ସାରିଥିବା ବେଳେ ଆଜି ୨୧୦ ଜଣଙ୍କୁ ନେଇ ଓଡିଶା ଫେରୁଛି ସ୍ୱତନ୍ତ୍ର ବିମାନ । ବନ୍ଦେ ଭାରତ ଯୋଜନାରେ ବିଦେଶରେ ଫସିଥିବା ପ୍ରବାସୀମାନେ ଓଡିଶା ଫେରୁଛନ୍ତି।
