ଆଜି ମଣିପୁରର ସମସ୍ତ ଶିକ୍ଷାନୁଷ୍ଠାନ ଓ ବ୍ୟବସାୟ ପ୍ରତିଷ୍ଠାନ ବନ୍ଦ
1 min read
ନନ୍ଦିଘୋଷ ବ୍ୟୁରୋ: ମଣିପୁରରେ ଆଜି ବନ୍ଦ ରହିବ ସମସ୍ତ ଶିକ୍ଷାନୁଷ୍ଠାନ ଓ ବ୍ୟବସାୟ ପ୍ରତିଷ୍ଠାନ । ରାଜ୍ୟର ଜାତିଗତ ହିଂସା ଆରମ୍ଭର ଦ୍ବିତୀୟ ବାର୍ଷିକୀ ପାଳନ ଲାଗି ଦୁଇଟି କୁକି-ଜୋମି ଛାତ୍ର ସଂଗଠନ ପକ୍ଷରୁ ଆହ୍ବାନ ଦିଆଯାଇଛି । ଜୁମି ଛାତ୍ର ସଂଘ ବା ଜେଡଏସଏଫ ଓ କୁକି ଛାତ୍ର ସଂଗଠନ ବା କେଏସଓ ପକ୍ଷରୁ ଏହି ବନ୍ଦ ଡାକରା ଦିଆଯାଇଛି । ୨୦୨୩ ମେ ୩ରୁ ଆରମ୍ଭ ହୋଇଥିବା ଜାତିଗତ ହିଂସାରେ ବର୍ତ୍ତମାନ ସୁଦ୍ଧା ପ୍ରାଣ ହରାଇଲେଣି ୨୫୦ରୁ ଅଧିକ ଲୋକ । ମେଇତେଇ ଓ କୁକିଙ୍କ ମଧ୍ୟରେ ହୋଇଥିବା ଲୋମହର୍ଷକ ହିଂସା ଘଟଣାରେ ବାସଚ୍ୟୁତ ହେଲେଣି ଲକ୍ଷାଧିକ ନାଗରିକ । ହିଂସା କାରଣରୁ ମୁଖ୍ୟମନ୍ତ୍ରୀ ଏନ. ବୀରେନ ସିଂ ଇସ୍ତଫା ଦେଇଥିବାବେଳେ ରାଜ୍ୟରେ ଜାରି ହୋଇଥିଲା ରାଷ୍ଟ୍ରପତି ଶାସନ । ବନ୍ଦ ଅବସରରେ ବିଭିନ୍ନ ସ୍ଥାନରେ କଳାପତାକା ଉତ୍ତୋଳନ କରିବା ଲାଗି ଦୁଇ ସଂଗଠନ ପକ୍ଷରୁ ଡାକରା ଦିଆଯାଇଛି । ଚୁରାଚାନ୍ଦପୁର ଜିଲ୍ଲା ମୁଖ୍ୟାଳୟରେ ପ୍ରତିଷ୍ଠିତ ସହିଦ ସ୍ମାରକୀରେ ଏହି ଦୁଇ ସଂଗଠନ ପକ୍ଷରୁ ସମାବେଶ କରାଯିବ । ସେପଟେ ଇଣ୍ଡିଜେନସ ଟ୍ରାଇବାଲ ଲିଡର୍ସ ଫୋରମ ବା ITLF ପକ୍ଷରୁ ଘୋଷଣା କରାଯାଇଛି- ମେ ୩କୁ ସେପାରେସନ ଡେ ଭାବେ ପାଳନ କରାଯିବ ।
