ଆଜି ଜାତି ନନ୍ଦିଘୋଷ କନକ୍ଲେଭ୍-୨୦୨୩, ଭିଜନ୍-୨୦୩୬ ଉପରେ ବରିଷ୍ଠ ପ୍ରଶାସକଙ୍କୁ ନେଇ ହେବ ମାନସ ମନ୍ଥନ
1 min read
ଭୁବନେଶ୍ୱର: ଆଜି ଉତ୍କଳ ଦିବସ । ୧୯୩୬ ମସିହା ଆଜିର ଦିନରେ ଭାଷା ଭିତ୍ତିରେ ଗଠିତ ହୋଇଥିଲା ସ୍ବତନ୍ତ୍ର ଉତ୍କଳ ପ୍ରଦେଶ । ଆସନ୍ତା ୨୦୩୬କୁ ଉତ୍କଳ ପ୍ରଦେଶ ଗଠନକୁ ପୁରିବ ୧୦୦ ବର୍ଷ । ସେତେବେଳକୁ କେମିତି ହୋଇଥିବ ଆମ ରାଜ୍ୟର କଳେବର । କେଉଁ ଲକ୍ଷ୍ୟରେ ଅଗ୍ରସର ହେଉଛେ ଆମେ । କାରଣ ଅଳ୍ପପଥ ଅତିକ୍ରାନ୍ତ, ବହୁପଥ ବାକି । ସେ ରୂପାନ୍ତରଣର ପ୍ରକ୍ରିୟା, ଯୋଜନା ଓ ଲକ୍ଷ୍ୟ କ’ଣ ହେବ । ଏହି ମର୍ମରେ ଏକ ଆଲୋଚନାଚକ୍ର ସହିତ ଆଜି ଅନୁଷ୍ଠିତ ହେଉଛି ଜାତି ନନ୍ଦିଘୋଷ କନକ୍ଲେଭ୍-୨୦୨୩ । ଜାତୀୟ ସ୍ତରରେ ପ୍ରତିଷ୍ଠାଲାଭ କରିଥିବା ୨ ଜଣ ବରିଷ୍ଠ ସାମ୍ବାଦିକ ଏହି କନକ୍ଲେଭରେ ଅତିଥିଭାବରେ ଯୋଗଦେଉଛନ୍ତି ।
ଏହାସହିତ ଭିଜନ୍-୨୦୩୬ ଉପରେ ବରିଷ୍ଠ ପ୍ରଶାସକଙ୍କୁ ନେଇ ହେବ ମାନସ ମନ୍ଥନ । ଜାତି ନନ୍ଦିଘୋଷ କନକ୍ଲେଭରେ ଜୀବନ ବ୍ୟାପୀ ସାଧନା ପାଇଁ ସଂଗୀତ, ସାହିତ୍ୟ ଏବଂ ସାମ୍ବାଦିକତା କ୍ଷେତ୍ରରେ ୩ ଜଣ ବିଶିଷ୍ଟ ବ୍ୟକ୍ତିଙ୍କୁ ସମ୍ବର୍ଦ୍ଧିତ କରାଯିବ । ଏହାସହିତ ୮ ଜଣ ବିକଶିତ ପ୍ରତିଭାଙ୍କୁ ମଧ୍ୟ ସମ୍ମାନିତ କରିବ ନନ୍ଦିଘୋଷ ଟିଭି । ଆଜି ଅପରାହ୍ନ ୪ଟାରୁ ଜାତି ନନ୍ଦିଘୋଷ କନକ୍ଲେଭର ସିଧାପ୍ରସାରଣ ନନ୍ଦିଘୋଷ ଟିଭିରେ ଦେଖିପାରିବେ ।
