ଆଜି ବିଶ୍ୱ ବ୍ୟାଘ୍ର ଦିବସ, ବାଘଙ୍କ ସୁରକ୍ଷା ପାଇଁ ଟ୍ୱିଟ୍ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଆଜି ବିଶ୍ୱ ବ୍ୟାଘ୍ର ଦିବସ । ବାଘ ମାନଙ୍କ ବଂଶ ରକ୍ଷା କରିବା ପାଇଁ ଏହି ଦିବସ ପାଳନ କରାଯାଏ । ବାଘକୁ ନେଇ ସବୁ ବେଳେ ଚର୍ଚ୍ଚାରେ ରହି ଆସିଛି ନନ୍ଦନକାନନ ପ୍ରାଣୀ ଉଦ୍ୟାନ । ନନ୍ଦନକାନନର ଧଳା ବାଘ ଗୌରବ ସାରା ବିଶ୍ୱରେ ଭିନ୍ନ ପରିଚୟ ସୃଷ୍ଟି କରିଛି । ବର୍ତମାନ ସୁଦ୍ଧା ନନ୍ଦନକାନନରେ ୧୪୨ଟି ଧଳା ବାଘ ଜନ୍ମ ନେଇଛନ୍ତି, ସେଥିମଧ୍ୟରୁ ୧୦୪ଟିଙ୍କର ମୃତ୍ୟୁ ହୋଇଥିବା ବେଳେ ୩୦ଟି ଧଳା ବାଘକୁ ଅନ୍ୟତ୍ର ବିଭିନ୍ନ ଚିଡ଼ିଆଖାନାକୁ ପଠାଯାଇଛି । ବର୍ତ୍ତମାନ ୮ଟି ଧଳା ବାଘ ସମେତ ପ୍ରାଣୀଉଦ୍ୟନରେ ମୋଟ ୨୭ଟି ବାଘ ଅଛନ୍ତି ।

On #InternationalTigerDay, pledge to redouble our effort to nurture a hospitable ecosystem and safe habitat for the majestic species to flourish. #SaveTigers pic.twitter.com/C3WUYmjp2B

— Naveen Patnaik (@Naveen_Odisha) July 29, 2020

ତେବେ ବିଶ୍ୱ ବ୍ୟାଘ୍ର ଦିବସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ କରି ବାଘ ମାନଙ୍କ ସୁରକ୍ଷା ଏବଂ ତାଙ୍କ ବଂଶ ବିସ୍ତାର ପାଇଁ ଅପିଲ କରିଛନ୍ତି ।  ବାଘ ମାନଙ୍କ ପାଇଁ ଏକ ଉପଯୁକ୍ତ ଇକୋ ସିଷ୍ଟମ ସହିତ ସୁରକ୍ଷିତ ବାସସ୍ଥାନ ପାଇଁ ମୁଖ୍ୟମନ୍ତ୍ରୀ କହିଛନ୍ତି ।

ବିଶ୍ୱର ୭୦ ପ୍ରତିଶତ ବାଘ ଭାରତରେ ଅଛନ୍ତି । ଓଡ଼ିଶାରେ ୨୮ଟି ବାଘ ଥିବା କେନ୍ଦ୍ର ଜଙ୍ଗଲ ମନ୍ତ୍ରଣାଳୟର ରିପୋର୍ଟ କହୁଛି । ୨୦୧୮ ମସିହାରେ କରାଯାଇଥିବା ବାଘ ଗଣନାରୁ ଏହି ତଥ୍ୟ ସାମ୍ନାକୁ ଆସିଛି । ବିଂଶ ଶତାବ୍ଦୀର ଆରମ୍ଭରେ ଭାରତରେ ଏକ ଲକ୍ଷ ବାଘ ଥିବାର କୁହାଯାଏ । କିନ୍ତୁ ଅବାଧ ଶିକାର ପାଇଁ ଭାରତରେ ବାଘ ସଂଖ୍ୟା ନାମମାତ୍ର ରହିଯାଇଛି ।