ଆଜି ବର୍ଷର ଶେଷ ଚନ୍ଦ୍ରଗ୍ରହଣ, ଭୋର ୫ଟା ୩୮ରୁ ସନ୍ଧ୍ୟା ୬ଟା ୨୦ ପର୍ଯ୍ୟନ୍ତ ପାକତ୍ୟାଗ ଓ ଦେବକାର୍ଯ୍ୟ ନିଷେଧ

ଭୁବନେଶ୍ୱର: ଆଜି ବର୍ଷର ଶେଷ ଚନ୍ଦ୍ରଗ୍ରହଣ । ଭୋର ୫ଟା ୩୮ ମିନିଟରୁ ସନ୍ଧ୍ୟା ୬ଟା ୨୦ ପର୍ଯ୍ୟନ୍ତ ପାକତ୍ୟାଗ ଓ ଦେବକାର୍ଯ୍ୟ ନିଷେଧ କରାଯାଇଛି । ଅପରାହ୍ଣ ୨ଟା ୩୯ରୁ ଗ୍ରହଣ ସ୍ପର୍ଶ ଆରମ୍ଭ ହୋଇ ୬ଟା ୨୦ରେ ସର୍ବମୋକ୍ଷ ହେବ । ମିଥୁନ, କର୍କଟ, ସିଂହ, ତୁଳା, ବିଚ୍ଛା, ଧନୁ, କୁମ୍ଭ ଓ ମୀନ ରାଶି ପାଇଁ ଗ୍ରହଣ ଦର୍ଶନ ଶୁଭ ବୋଲି ଗଣନା କରାଯାଇଛି । ଓଡ଼ିଶାରେ ପୂର୍ଣ୍ଣ ଚନ୍ଦ୍ରଗ୍ରହଣ ମାତ୍ର ୬ ମିନିଟ୍ ପାଇଁ ଅର୍ଥାତ ଅପରାହ୍ଣ ୫ଟା ୫ରୁ ୫ଟା ୧୧ ଯାଏଁ ଦେଖିପାରିବେ ।

ଚନ୍ଦ୍ରଗ୍ରହଣ ପାଇଁ ପଠାଣୀ ସାମନ୍ତ ପ୍ଲାନେଟାରିଅମରେ ମଧ୍ୟ ବିଶେଷ ବ୍ୟବସ୍ଥା କରାଯାଇଛି । ଦୂରବୀକ୍ଷଣ ଯନ୍ତ୍ର ଦ୍ୱାରା ଲୋକ ଏହି ବିରଳ ଦୃଶ୍ୟକୁ ଦେଖିପାରିବେ । ଚନ୍ଦ୍ରଗହଣ ପାଇଁ ଆରଡ଼ି ଆଖଣ୍ଡମଣୀ ପୀଠରେ ଚାଲିଛି ସ୍ୱତନ୍ତ୍ର ନୀତିକାନ୍ତି । ଭୋର ୫ଟାରୁ ସଂନ୍ଧ୍ୟା ୬ଟା ୩୦ ଯାଏଁ ସର୍ବସାଧାରଣ ଦର୍ଶନ ବନ୍ଦ ରହିଛି । ଚନ୍ଦ୍ରଗ୍ରହଣ ପାଇଁ ମଧ୍ୟରାତ୍ରରୁ ସକାଳ ନୀତିକାନ୍ତି ଓ ବୋଇତ ଭସାଣ କରାଯାଇଛି । ଆଜି ରାତି ୮ଟାରେ ଦୁର୍ଲଭ ହରଗୌରୀ ବେଶରେ ଭକ୍ତଙ୍କୁ ଦର୍ଶନ ଦେବେ ବାବା ଆଖଣ୍ଡଳମଣୀ ।