ଦ୍ବିତୀୟ ଦିନିକିଆ: ସିରିଜ୍ ବିଜୟ ଲକ୍ଷ୍ୟରେ ଭାରତ

ଇନ୍ଦୋର: କଙ୍ଗାରୁ ଶିକର କରି ଦିନିକିଆ କ୍ରିକେଟରେ ସିରିଜ ବିଜୟ ଲକ୍ଷ୍ୟରେ ଭାରତ । ଇନ୍ଦୋରରେ ବିଜୟ ଲକ୍ଷ୍ୟ ନେଇ ଅଷ୍ଟ୍ରେଲିଆ ବିପକ୍ଷରେ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ । କେ.ଏଲ. ରାହୁଲଙ୍କ ଅଧିନାୟକତ୍ବରେ ଭାରତ ମ୍ୟାଚକୁ ଓହ୍ଲାଉଥିବା ବେଳେ ଖେଳାଳିଙ୍କ ମନୋବଳ ଦୃଢ଼ ରହିଛି ।

୩ ଟିକିଆ ସିରିଜର ପ୍ରଥମ ମ୍ୟାଚ ଭାରତ ଜିତି ୧-୦ରେ ଆଗରେ ରହିଛି । ଭାରତୀୟ ବୋଲରଙ୍କ ଚମତ୍କାର ବୋଲିଂ ଯୋଗୁଁ ପ୍ରଥମ ମ୍ୟାଚରେ ଭାରତ ଅଷ୍ଟ୍ରୋଲିଆକୁ ୫ ଓ୍ବିକେଟରେ ହରାଇଥିଲା । ମୋହାଲିରେ ଦେଖିବାକୁ ମିଳିଥିଲା ମହମ୍ମଦ ସାମୀଙ୍କ ବୋଲିଂର ଯାଦୁ । ୫ଟି ଓ୍ବିକେଟ ନେଇ କଙ୍ଗାରୁ ଟିମର ବ୍ୟାଟିଂ ଅର୍ଡରକୁ ଧୂଳିସାତ କରିଥିଲେ ଭାରତର ଏହି ଫାଷ୍ଟ ବୋଲର । ୪ ଜଣ ବ୍ୟାଟ୍ସମ୍ୟାନ ଅର୍ଦ୍ଧ ଶତକ ହାସଲ କରିଥିଲେ ।

ତେବେ ଆଜିର ମ୍ୟାଚରେ ନୂଆ ରଣନୀତି ନେଇ ପଡ଼ିଆକୁ ଓହ୍ଲାଇବ ଭ୍ରମଣକାରୀ ଅଷ୍ଟ୍ରେଲିଆ ଟିମ୍ । ପେଟ୍ କମିନ୍ସଙ୍କ ନେତୃତ୍ବରେ ଭାରତୀୟ ବୋଲରଙ୍କୁ ଚେକ ଦେବାକୁ ସ୍ବତନ୍ତ୍ର ରଣନୀତି ପ୍ରସ୍ତୁତ କରିଛି ଟିମ୍ ଅଷ୍ଟ୍ରେଲିଆ ।