ଆଜି ମୁଖ୍ୟମନ୍ତ୍ରୀ ଦେବେ ‘ଟି-ସେତୁ’ ଭେଟି

କଟକ: ଆଜି ରାଜ୍ୟ ପାଇବ ଦୀର୍ଘତମ ସେତୁ । ଏହା ଦେଖିବାକୁ ଇଂରାଜୀ ଅକ୍ଷର ଟି ପରି ହୋଇଥିବାରୁ ଏହାର ନା ରଖାଯାଇଛି ‘ଟି-ସେତୁ’ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରିବେ ଉଦଘାଟନ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି ।

ମହାନଦୀ ଉପରେ ନିର୍ମିତ ଏହି ସେତୁର ଲମ୍ବ ୩ ହଜାର ୧୩୯ ମିଟର ରହିଛି । ଏଥିପାଇଁ ଖର୍ଚ୍ଚ ହୋଇଛି ୧୩୧ କୋଟି ଟଙ୍କା । କଟକ ବଡ଼ମ୍ବା ନରସିଂହପୁରରୁ ବାଙ୍କି ବୈଦେଶ୍ବରକୁ ସଂଯୋଗ କରୁଛି ଏହି ସେତୁ । ସେତୁ ଦ୍ବାରା କଟକ ଜିଲ୍ଲା ସହିତ ଅନ୍ୟ ଜିଲ୍ଲାଗୁଡିକୁ ଗମନାଗମନର ସୁବିଧା ମିଳିପାରିବ । ଏଥିସହ କୃଷି, ପର୍ଯ୍ୟଟନ, ବାଣିଜ୍ୟ କ୍ଷେତ୍ରରେ ଏକ ମାଇଲଖୁଣ୍ଟ ସାଜିବ ଟି-ସେତୁ । ନୂଆ ସେତୁକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଆଗ୍ରହ ବଢିବାରେ ଲାଗିଛି । ବହୁ ଦିନର ଦାବି ପୂରଣ ହୋଇଥିବାରୁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ଅଞ୍ଚଳବାସୀ ।