ରକ୍ତରେ ସର୍କରାସ୍ତର ବଜାୟ ରଖିବା ପାଇଁ ଆଜିଠାରୁ ଏହି ୫ଟି ଜିନିଷକୁ ଖାଆନ୍ତୁ ନାହିଁ…

ମଧୁମେହ ରୋଗ ଆମ ଖାଦ୍ୟ ସହିତ ସିଧାସଳଖ ଭାବେ ଜଡିତ । ଆମେ ଖାଉଥିବା ଖାଦ୍ୟ ରକ୍ତରେ ସର୍କରା ସ୍ତରକୁ ପ୍ରଭାବିତ କରିଥାଏ | ଯଦି ଆମକୁ ରକ୍ତରେ ସର୍କରା ସ୍ତରକୁ କଣ୍ଟ୍ରୋଲ କରିବାର ଅଛି ତେବେ କିଛି ଖାଦ୍ୟ ପ୍ରତି  ଧ୍ୟାନ ଦେବାକୁ ପଡିବ । ପ୍ରାୟତଃ ଲୋକମାନେ ପ୍ରଶ୍ନ କରନ୍ତି ଯେ ମଧୁମେହରେ କଣ ଖାଇବା ଉଚିତ୍ ?  କିଛି ଖାଦ୍ୟ ଅଛି ଯାହା ମଧୁମେହ ରୋଗୀ ମାନେ ଖାଇବା ଉଚିତ୍ ନୁହେଁ  । ତେବେ ଆସନ୍ତୁ ଜାଣିବା ୫ ମୁଖ୍ୟ ଖାଦ୍ୟ ଉପରେ ଯାହା ଆପଣଙ୍କ ସର୍କର ସ୍ତର ପାଇଁ କ୍ଷତିକାରକ-

୧- କିସମିସ

ଯଦି ଆପଣଙ୍କୁ ମଧୁମେହ ଅଛି ତେବେ କିସମିସ ଖାଇବା ଉଚିତ୍ ନୁହେଁ । କିସମିସ୍ ଖାଇବା ଦ୍ୱାରା କେବଳ ଆପଣଙ୍କ ରକ୍ତରେ ଖାଲି ଯେ ସର୍କରା ସ୍ତର ବଢ଼ିବ ତା ନୁହେଁ ବରଂ ଡାଇବେଟିସ ହେବାର ଆଶଙ୍କା ମଧ୍ୟ ବଢ଼ିପାରେ । ଡାଇବେଟିସ ରୋଗୀମାନେ ଡ୍ରାଏ ଫ୍ରୁଟ୍ସରୁ  ଦୂରେଇ ରହିବା ଉଚିତ୍ | ବିଶେଷକରି କିସମିସ୍ ଠାରୁ ଦୂରେଇ ରହିବା ଉଚିତ୍  କାରଣ ଏହା ହେଉଛି ତାଜା ଫଳର ଶୁଖିଲା ରୂପ । ଅଙ୍ଗୁର ଏବଂ କିସମିସରେ କାର୍ବୋହାଇଡ୍ରେଟ୍ ପରିମାଣରେ ବହୁତ ପାର୍ଥକ୍ୟ ଅଛି । ତେଣୁ ସୁସ୍ଥ ସୁଗର ଲେଭଲ ପାଇଁ କିସମିସକୁ ନିଜ ଖାଦ୍ୟ ସୂଚୀରୁ ବାହାର କରନ୍ତୁ ।

୨-  ହ୍ୱାଇଟ ବ୍ରେଡ୍

ମଧୁମେହ ରୋଗୀମାନେ ହ୍ୱାଇଟ ବ୍ରେଡ ଖାଇବା ଉଚିତ୍ ନୁହେଁ । ଏହି ଜିନିଷଗୁଡ଼ିକରେ କାର୍ବୋହାଇଡ୍ରେଟ୍ ର ପରିମାଣ ଅଧିକ ଥାଏ, ଯେଉଁଥିପାଇଁ ଏହା ରକ୍ତରେ ସର୍କରା ସ୍ତରକୁ ବଢ଼ାଇପାରେ ।

୩- ଆଳୁ

ମଧୁମେହରେ ଆଳୁ ସେବନକୁ ମଧ୍ୟ ଏଡାଇବା ଉଚିତ୍ | ଡାଇବେଟିସ ରୋଗୀଙ୍କ ପାଇଁ ଆଳୁ କ୍ଷତିକାରକ ହୋଇପାରେ | ଏଥିରେ ଅଧିକ ପରିମାଣରେ କାର୍ବୋହାଇଡ୍ରେଟ୍ ସହିତ  ଗ୍ଲାଇସେମିକ୍ ଇଣ୍ଡେକ୍ସ ଅଛି ଯାହା ଆପଣଙ୍କ ରକ୍ତରେ ସର୍କରା ସ୍ତରକୁ ବଢ଼ାଇପାରେ ।

୪- ଚିକୁ ଫଳ

ମଧୁମେହ ବା ଡାଇବେଟିସ ରୋଗୀଙ୍କ ପାଇଁ ଚିକୁ ଫଳ ଖୁବ କ୍ଷତିକରକ । ଏହା ଅତ୍ୟନ୍ତ ମିଠା ହେବା ସହିତ ଏହାର ଗ୍ଲାଇସେମିକ୍ ଇଣ୍ଡେକ୍ସ ମଧ୍ୟ ବୃଦ୍ଧି ପାଇଥାଏ | ଏହି କାରଣରୁ, ଡାଇବେଟିସ ରୋଗୀଙ୍କୁ ଚିକୁ ଖାଇବାକୁ ପରାମର୍ଶ ଦିଆଯାଇନଥାଏ ।

୫- ଫୁଲ୍ ଫ୍ୟାଟ୍ କ୍ଷୀର

କ୍ଷୀରକୁ ନିଜ ଡାଏଟରେ ଅନ୍ତର୍ଭୁକ୍ତ କରିବା ପାଇଁ ଅନେକ ଡାକ୍ତର ପରାମର୍ଶ ଦିଅନ୍ତି । କିନ୍ତୁ ମଧୁମେହରେ ପୂର୍ଣ୍ଣ ଚର୍ବିଯୁକ୍ତ କ୍ଷୀର ପିଇବା ଠାରୁ ଦୂରେଇ ରହିବା ଉଚିତ୍ | ଏହା ଭିତରେ ଚର୍ବିର ପରିମାଣ ଅଧିକ ରହିଥାଏ । ଏହି ଚର୍ବି ଇନସୁଲିନ୍ ର ପରିମାଣ ବଢ଼ାଇପାରେ । ଆପଣ ଏହା ବଦଳରେ କମ୍ ଚର୍ବିଯୁକ୍ତ କ୍ଷୀର ବ୍ୟବହାର କରନ୍ତୁ ।