ଟିଏମସି ନେତାଙ୍କ ପ୍ରଶ୍ନ, ଦିଦି ଓ ଦିଦି ପଚାରୁଥିବା ‘ଦାଦା’ କୁଆଡ଼େ ଗଲେ?

କୋଲକୋତା: ପଶ୍ଚିମବଙ୍ଗର ଚିତ୍ର ଧିରେ ଧିରେ ସ୍ପଷ୍ଟ ହେବା ସହିତ ଟିଏମସି ନେତା ଏବେ ଖୋଲାଖୋଲି ବିଜେପି ଉପରେ ଆକ୍ରମଣ ଆରମ୍ଭ କଲେଣି । ଟ୍ରେଣ୍ଡରୁ ଟିଏମସି ଡବଲ ସେଞ୍ଚୁରୀ ଆଡକୁ ଗତି କରୁଥିବା ମନେ ହେଉଛି । ଅନ୍ୟପକ୍ଷରେ ବିଜେପି ଶତକଠାରୁ ବହୁ ଦୁରରେ ଥିବା ଭଳି ଲାଗୁଛି । ଏହାରି ଭିତରେ ଆରମ୍ଭ ହୋଇ ଯାଇଛି ରାଜନୈତିକ ବୟାନବାଜୀ ।

“Didi O Didi” बोलनेवाला दादा कहाँ गया? #Resign_PM_Modi #दादागिरि नहीं चलेगा यार । यै বাংলা है “ बगाँल” नहीं ।জয় বাংলা!!!@MamataOfficial @abhishekaitc @derekobrienmp

— Dr. KakoliGDastidar (@kakoligdastidar) May 2, 2021

ଟିଏମସି ସାଂସଦ କାକୋଲି ଦାସ୍ତୋଦାର ରବିବାର ଦି’ପହରରେ ଗୋଟିଏ ଟ୍ୱିଟ୍ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ହମଲା କରିଛନ୍ତି । ସେ ଟ୍ୱିଟ୍ କରିଛନ୍ତି ଯେ, ‘ଦିଦି ଓ ଦିଦି’ କହୁଥିବା ‘ଦାଦା’ କୁଆଡେ ଗଲେ ? ପ୍ରଧାନମନ୍ତ୍ରୀ ଇସ୍ତଫା ଦିଅନ୍ତୁ..ଦାଦାଗିରି ଚଳିବ ନାହିଁ.. ଏହା ବାଂଲା,ବଙ୍ଗାଲ ନୁହେଁ ।

ସୂଚନାଯୋଗ୍ୟ ଯେ, ପଶ୍ଚିମବଙ୍ଗ ନିର୍ବାଚନ ପ୍ରଚାର କାଳରେ ମୋଦି ଅନେକ ରାଲି କରିଥିଲେ। ରାଲିରେ ସେ ମମତା ବାନାର୍ଜୀଙ୍କୁ ‘ଦିଦି ଓ ଦିଦି’ କହି ସମ୍ବୋଧନ କରୁଥିଲେ । ଯାହାକୁ ଟିଏମସି ଅନେକ ଥର ବିରୋଧ କରିଛି । ଅନ୍ୟପକ୍ଷରେ ଟିଏମସି ନେତା ଡେରିକ ଓ’ବ୍ରାଏନ ମଧ୍ୟ ଟ୍ୱିଟ୍ କରି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହଙ୍କୁ ଟାର୍ଗେଟ୍ କରିଛନ୍ତି । ସେ ଅମିତ ଶାହଙ୍କ ଏକ ପୁରୁଣା ଟ୍ୱିଟ୍ କୁ ରିଟ୍ୱିଟ୍ କରିଛନ୍ତି,ଯେଉଁଥିରେ ଅମିତ ଶାହ ବିଜେପି ପଶ୍ଚିମବଙ୍ଗରେ ୨ଶହ ଆସନ ଜିତିବ ବୋଲି ଦାବି କରୁଛନ୍ତି । ଯଦିଓ ଏବେ ଟିଏମସି ୨ଶହ ଆସନରେ ଆଗୁଆ ଅଛି ଓ ବିଜେପି ଶହେରୁ କମ ଆସନରେ ଆଗୁଆ ଅଛି ।