ନୂଆଦିଲ୍ଲୀ: ଆସନ୍ତାବର୍ଷ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବାକୁଥିବା ବେଳେ ଏହା ପୂର୍ବରୁ ରାଜ୍ୟ ରାଜନୀତି ସରଗରମ ହୋଇପଡିଛି। ବର୍ତ୍ତମାନର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଘେରିବା ପାଇଁ ବିଜେପି ପକ୍ଷରୁ ରଣନୀତି ପ୍ରସ୍ତୁତ କରାଯାଇଛି ।
ଏଭଳି ସମୟରେ ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ତଥା ବିସିସିଆଇ ସଭାପତି ସୌରଭ ଗାଙ୍ଗୁଲି ପଶ୍ଚିମବଙ୍ଗରେ ବିଜେପିର ଚେହେରା ହୋଇପାରନ୍ତି ବୋଲି ଚର୍ଚ୍ଚା ହୋଇଛି । ଏଭଳି ସମୟରେ ମମତାଙ୍କ ଦଳ ତୃଣମୂଳ କଂଗ୍ରେସ (ଟିଏମସି)ରେ ହଇଚଇ ଦେଖାଦେଇଛି ।
ଏହି ପରିପ୍ରେକ୍ଷୀରେ ଟିଏମସି ସାଂସଦ ସୌଗତ ରୟ ଗାଙ୍ଗୁଲିଙ୍କୁ ଟାର୍ଗେଟ କରିବାକୁ ପଛାଇ ନାହାଁନ୍ତି । ଏପରିକି ସେ ରାଜନୀତିରୁ ଦୂରେଇ ରହିବାକୁ ଗାଙ୍ଗୁଲିଙ୍କୁ ନିର୍ଦ୍ଦେଶ ଦେଇଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଯଦିଓ ବଙ୍ଗଳାରେ ଗାଙ୍ଗୁଲି ଲୋକପ୍ରିୟ, ତଥାପି ସେ ଗରୀବ ଲୋକଙ୍କ ସମସ୍ୟା ବିଷୟରେ ଅବଗତ ନାହାନ୍ତି ।
ସୌଗତ ରୟ ଆହୁରି କହିଛନ୍ତି ଯେ , ‘‘ଯଦି ଗାଙ୍ଗୁଲି ରାଜନୀତିକୁ ଆସନ୍ତି ତାହେଲେ ମୁଁ ଖୁସି ହେବି ନାହିଁ। କାହିଁକିନା ସେ ସବୁ ବଙ୍ଗୀୟମାନଙ୍କ ପାଇଁ ଏକ ଆଇକନ୍ । ସେ ବଙ୍ଗଳାର ଏକମାତ୍ର କ୍ରିକେଟ୍ ଅଧିନାୟକ ଥିଲେ, ଯିଏକି ଟେଲିଭିଜନ ଶୋ ଯୋଗୁଁ ମଧ୍ୟ ବହୁତ ଲୋକପ୍ରିୟ ହୋଇଥିଲେ।
ତେବେ ରାଜନୀତିରେ ତାଙ୍କର କୌଣସି ପ୍ରକାରର ପୃଷ୍ଠଭୂମି ନଥିବାରୁ ସେ ଏଥିରେ ଅଧିକ ଦିନ ତିଷ୍ଠି ପାରିବେ ନାହିଁ।
