ମାଟି ତଳେ ବିଡ଼ା ବିଡ଼ା ଟଙ୍କା, ପୋଲିସ ଚକିତ

ସମ୍ବଲପୁର: ମାଟି ତଳୁ ବାହାରୁଛି  ପୁଳା ପୁଳା ଟଙ୍କା  । ପୋଲିସ ଆଗରେ ବାହାରୁଛି ଏହି ଟଙ୍କା  । ଏତେ ଟଙ୍କା ଦେଖି ଲୋକେ ଆଶ୍ଚମ୍ବିତ  । ମିଳିଥିବା ସୂଚନା ମୁତାବକ ଏକ ପ୍ଲାଷ୍ଟିକ ବସ୍ତାରେ ପଇସାକୁ ଭର୍ତ୍ତି କରି ମାଟି ତଳେ ରଖିଥିଲା ଚୋର । ସମ୍ବଲପୁରର ଶୀଲା ଟାଓ୍ୱାର ହୋଟେଲରୁ ଚୋରି ହୋଇଥବା ଟଙ୍କାକୁ ଦେବଗଡରୁ ଉଦ୍ଧାର କରିଛି ପୋଲିସ । ଶୀଲା ଟାଓ୍ୱାରର ଜଣେ କର୍ମଚାରୀ ୩୯ ଲକ୍ଷ ଟଙ୍କା ଚୋରି କରି ଦେବଗଡ ଜିଲ୍ଲାକୁ ନେଇ ପଳାଇଥିବା ସୂଚନା ମିଳିଛି ।

ସେପଟେ ଘଟଣା ସ୍ଥଳରେ ପୋଲିସ ପହଁଚି  ତଦନ୍ତ ଆରମ୍ଭ କରିଛି  । ପୋଲିସ ତଦନ୍ତ କରି ୩୨ ଲକ୍ଷ ୧୦ ହଜାର ଟଙ୍କା ଜବତ କରିବା ସହ ୪ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି । ସିସିଟିଭି ଫୁଟେଜ୍ ଆଧାରରେ ୪ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ସମ୍ୱଲପୁର ପୋଲିସ ଏହି ଘଟଣାରେ ସଫଳ ହୋଇଛି  । ପୋଲିସ ସମ୍ପୃକ୍ତ ଅଭିଯୁକ୍ତକୁ ଧରିବାରେ ସଫଳ ହେବା ସହ ଚୋରି ଟଙ୍କାକୁ ଜବତ କରିବାରେ ମଧ୍ୟ ସଫଳ ହୋଇଛି ।