ଚର୍ଚ୍ଚାର ଅନ୍ତ, ବାହା ହେବେ ତିର୍ତ୍ତୋଲ ବିଧାୟକ

ତିର୍ତ୍ତୋଲ: ସବୁ ଚର୍ଚ୍ଚାରେ ପଡ଼ିବ ଯବନିକା । ଅନ୍ତ ହେବ ପ୍ରତୀକ୍ଷାର । ବିବାହ ବନ୍ଧନରେ ବାନ୍ଧି ହେବେ ତିର୍ତ୍ତୋଲ ବିଧାୟକ ବିଜୟ ଶଙ୍କର ଦାସ । ଦୀର୍ଘଦିନ ଧରି ଭଲ ପାଉଥିବା ଯୁବତୀଙ୍କୁ ରେଜିଷ୍ଟ୍ରି ମ୍ୟାରେଜ୍ କରିବେ ବିଜୟ । ଏନେଇ ସବ ରେଜିଷ୍ଟ୍ରି ଅଫିସରେ ପହଞ୍ଚିଥିଲେ ଉଭୟ ଏବଂ ତାଙ୍କ ପରିବାର । ଉଭୟ ପଟରୁ ରାଜି ଥିବା ବେଳେ ଆଉ ମାସକ ପରେ ସବ ରେଜିଷ୍ଟ୍ରି ଅଫିସରୁ ନୋଟିସ୍ ଯିବା ପରେ ବାହାଘର ହେବ । ଆଜି ରେଜିଷ୍ଟ୍ରି ଲେଖାପଢା ପରେ ଉଭୟ ଖୁସି ଥିବା ଦେଖାଯାଇଛି ।

ତିର୍ତ୍ତୋଲ ବିଧାୟକ ବିଜୟ ଶଙ୍କର ଦାସ ହେଉଛନ୍ତି ସ୍ୱର୍ଗତ ବିଷ୍ଣୁ ଦାସଙ୍କ ପୁଅ । ତାଙ୍କ ଘର ମକୁନ୍ଦପୁର । ସେ ଯାହାଙ୍କୁ ବିବାହ କରିବେ ସେ ହେଉଛନ୍ତି ଦେଉଲିଗ୍ରାମେଶ୍ୱରର ସମଲିକା ଦାଶ ।