ତିହାର ଜେଲରେ ଗ୍ୟାଙ୍ଗୱାର, ଗ୍ୟାଙ୍ଗଷ୍ଟର ତିଲୁ ତାପୁରିଆର ମୃତ୍ୟୁ
ନୂଆଦିଲ୍ଲୀ: ତିହାର ଜେଲରେ ଗ୍ୟାଙ୍ଗଓ୍ବାର । ଦୁଇ ଗ୍ୟାଙ୍ଗ ହମଲାରେ କୁଖ୍ୟାତ ଗ୍ୟାଙ୍ଗଷ୍ଟର ତିଲୁ ତାପୁରିଆର ମୃତ୍ୟୁ ହୋଇଛି । ଜିତେନ୍ଦର ଗୋଗି ଗ୍ୟାଙ୍ଗ ସଦସ୍ୟ ତିଲୁ ଓ ଗ୍ୟାଙ୍ଗର ଅନ୍ୟ ଜଣେ ସଦସ୍ୟଙ୍କୁ ଲୁହା ରଡରେ ଆକ୍ରମଣ କରିଥିଲେ । ଏଥିରେ ତିଲୁର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛି । ସକାଳ ପ୍ରାୟ ସାଢ଼େ ୬ଟାରେ ଘଟଣା ଘଟିଥିବା ଜଣାପଡ଼ିଛି ।
ରୋହିଣୀ କୋର୍ଟରେ ସୁଟଆଉଟ ମାମଲାରେ ତିଲୁର ନାଁ ସାମ୍ନାକୁ ଆସିଥିଲା । ୨୦୨୧ରେ ଦୁଇ ସୁଟର ଓକିଲ ଡ୍ରେସରେ ଆସି ଜଜ୍ଙ୍କ ଆଗରେ ଗ୍ୟାଙ୍ଗଷ୍ଟାର ଜିତେନ୍ଦର ଗୋଗିକୁ ଗୁଳିମାଡ କରିଥିଲେ । ଘଟଣାସ୍ଥଳରେ ହିଁ ଗୋଗିର ମୃତ୍ୟୁ ହୋଇଥିଲା । ପୋଲିସର ପାଲଟା ଗୁଳିମାଡରେ ଦୁଇ ସୁଟରଙ୍କର ମଧ୍ୟ ମୃତ୍ୟୁ ହୋଇଥିଲା ।
ଗତ ୧୯ଦିନ ମଧ୍ୟରେ ତିହାର ଜେଲରେ ଦୁଇ ଥର ଗ୍ୟାଙ୍ଗଓ୍ବାର ହୋଇଥିବା ବେଳେ ୨ଗ୍ୟାଙ୍ଗଷ୍ଟରଙ୍କୁ ହତ୍ୟା କରାଯାଇଛି । ୧୪ ଏପ୍ରିଲରେ ମଧ୍ୟ ଦୁଇ ଗ୍ୟାଙ୍ଗ ମଧ୍ୟରେ ଗଣ୍ଡଗୋଳରେ ଜଣଙ୍କର ମୃତ୍ୟୁ ହୋଇଥିଲା । ତେବେ ତିଲୁ ତାଜପୁରିଆର ମୃତ୍ୟୁକୁ ଜେଲ କର୍ତ୍ତୃପକ୍ଷ ହୃଦଘାତ ଜନିତ କହୁଥିବା ବେଳେ ମାମଲାର ତଦନ୍ତ ଆରମ୍ଭ ହୋଇଛି ।
