ହତ୍ୟା ପୂର୍ବରୁ ସାଙ୍ଗ ତିଆରି କଲା ଟିକଟକ୍ ଭିଡିଓ, ଗୋଟିଏ ଝିଅକୁ ଭଲ ପାଉଥିଲେ ଦୁହେଁ

ଚଣ୍ଡିଗଡ଼: ଦ୍ୱାଦଶ ଶ୍ରେଣୀରେ ପଢ଼ୁଥିବା ୨ ସାଙ୍ଗ ଗୋଟିଏ ଝିଅକୁ ଭଲ ପାଇ ବସିଥିଲେ । ପରେ ଜଣେ ଅନ୍ୟ ଜଣଙ୍କୁ ରାସ୍ତାରୁ ହଟାଇବା ପାଇଁ ଭୟଙ୍କର ଷଡ଼ଯନ୍ତ୍ର ରଚିଥିଲେ । ଟିକଟିକ୍ ଭିଡିଓ ପ୍ରସ୍ତୁତି ନାଁରେ ହତ୍ୟାର ପୂରା ଭିଡିଓ ରେକର୍ଡ କରିଥିଲେ । ପୁଣି ଉକ୍ତ ପ୍ରକାରେ ସାଙ୍ଗକୁ ହତ୍ୟା କରିଛି ସାଙ୍ଗ । ଏଭଳି ହତ୍ୟାକାଣ୍ଡ ଘଟିଛି ପଞ୍ଜାବର ଜଳନ୍ଧର ସହରରେ ।

ଜଳନ୍ଧରର କ୍ୟାଣ୍ଟ ଲାଲକୁର୍ତ୍ତି ବଜାରରେ ସୋମବାର ସନ୍ଧ୍ୟାରେ ୧୭ ବର୍ଷର ବାଳକକୁ ହତ୍ୟା କରାଯାଇଥିଲା । ହତ୍ୟାର ୨୪ ଘଣ୍ଟା ଭିତରେ କମିଶନରେଟ୍ ପୋଲିସ ମଙ୍ଗଳବାର ହତ୍ୟା ମାମଲା ଉପରୁ ପରଦା ଉଠାଇଥିଲା । ମୃତ ଅରମାନଙ୍କ ଜଣେ ନାବାଳକ ସାଙ୍ଗଙ୍କୁ ପୋଲିସ ଗିରଫ କରିଛି ।

ଅଶୋକ କୁମାର ପୋଲିସକୁ କହିଛନ୍ତି- ତାଙ୍କ ପୁତୁରା ଅରମାନ ଛାବନି କେଭି-୪ ସ୍କୁଲରେ ଦ୍ୱାଦଶ ଶ୍ରେଣୀରେ ପଢ଼େ । ଅରମାନର ବାପା ଫ୍ରାନ୍ସରେ ରୁହନ୍ତି । ତାଙ୍କ ମାଆ ହିମାଚଳ ପ୍ରଦେଶ ଯାଇଥିଲେ । ପୋଲିସ ଏହି ମାମଲରେ ବିସ୍ତୃତ ଯାଞ୍ଚ ପରେ କିଶୋରକୁ ଗିରଫ କରିଛି । ଯିଏକି ଅରମାନଙ୍କ ସାଙ୍ଗ ।

ପୋଲିସ କମିଶନର ଗୁରପ୍ରୀତ ସିଂହଙ୍କ ଅନୁସାରେ, ଅରମାନ ଓ ତାଙ୍କ ଅଭିଯୁକ୍ତ ସାଙ୍ଗ ଏକାଠି ପଢ଼ୁଛିଲେ । ଜଣେ ନାବାଳିକା ଝିଅକୁ ଅରମାନଙ୍କ ବନ୍ଧୁତା ଥିଲା । ସେହି ଝିଅକୁ ହିଁ ଭଲପାଇ ବସିଥିଲା ଅଭିଯୁକ୍ତ ସାଙ୍ଗ । ଆଉ ଇର୍ଷାରେ ଘଟିଲା ଏଭଳି ହତ୍ୟାକାଣ୍ଡ ।

ଇର୍ଷା ଯୋଗୁଁ ଅରମାନର ସାଙ୍ଗ ପୂରା ଯୋଜନାବଦ୍ଧ ଭାବେ ହତ୍ୟା କରିଥିଲା । ଅଭିଯୁକ୍ତ ଅରମାନ ଉପରେ କ୍ରିକେଟ ବ୍ୟାଟରେ ଆକ୍ରମଣ କରିଥିଲା । ପରେ ତଣ୍ଟିକୁ କାଟି ଦେଇଥିଲା । ହତ୍ୟା ପୂର୍ବରୁ ଦୁହେଁ ଟିକଟକ୍ ଭିଡିଓ ପ୍ରସ୍ତୁତ କରିଥିଲେ । ପରେ ଅରମାନଙ୍କୁ ହତ୍ୟା କରିଥିଲା ସାଙ୍ଗ । ଅଶୋକଙ୍କ ଅଭିଯୋଗ ପରେ ପୋଲିସ ଆଇପିସି ଧାରା ୩୦୨, ୩୪ରେ ମାମଲା ରୁଜୁ କରିଛି ।