ମହାରାଣୀ ଏଲିଜାବେଥ୍ଙ୍କ ମୃତ୍ୟୁ ପଛରେ ଅଛି କି ‘ଆଞ୍ଜେଲ ନମ୍ବର ୨୨୨’ ?
ଲଣ୍ଡନ: ଦୀର୍ଘ ସମୟ ଧରି ବ୍ରିଟେନ୍ରେ ରାଜ୍ କରୁଥିବା ମହାରାଣୀ ଏଲିଜାବେଥ ଦ୍ବିତୀୟଙ୍କ ମୃତ୍ୟୁ ଘଟିଛି । ୭୦ ବର୍ଷ ପର୍ଯ୍ୟନ୍ତ ବ୍ରିଟେନର ଶାସନ ଗାଦିରେ ରାଜ୍ କରିଛନ୍ତି ମହାରାଣୀ । ମହାରାଣୀଙ୍କ ମୃତ୍ୟୁ ପରେ ଅନେକ ରହସ୍ୟ ସାମନାକୁ ଆସିଛି । ଆଞ୍ଜେଲ ନମ୍ବର ୨୨୨କୁ ନେଇ ଏବେ ଚାରିଆଡେ ଚର୍ଚ୍ଚା । ସୋସିଆଲ ମିଡିଆରେ ଜଣେ ୟୁଜର ଏକ ଭିଡିଓ ସେୟାର କରି ମହାରାଣୀଙ୍କ ମୃତ୍ୟୁ ପାଇଁ ଆଞ୍ଜେଲ ନମ୍ବର ୨୨୨କୁ ଦାୟୀ କରିଛନ୍ତି । କେବଳ ମହାରଣୀ ନୁହେଁ ରାଜ ପରିବାରର ଅନେକ ସଦସ୍ୟଙ୍କ ମୃତ୍ୟୁ ସହ ଆଞ୍ଜେଲ ନମ୍ବର ୨ ଜଡିତ ବୋଲି ଦାବି କରନ୍ତି ୟୁଜର ।
ତେବେ ଆପଣଙ୍କ ମନରେ ପ୍ରଶ୍ନ ଉଠୁଥାଇପାରେ ଏହି ଆଞ୍ଜେଲ ନମ୍ବରଟି କଣ ? ବାସ୍ତବରେ ଅଙ୍କ ଜ୍ୟୋତିଷରେ ଏହାର ମାନ୍ୟତା ରହିଛି । ସାଧାରଣତଃ ଏହି ନମ୍ବରର ବିଭିନ୍ନ ପାଟର୍ଣ୍ଣ ରହିଥାଏ । ୧୧୧୧ ହେଉ କି ୪୪୪୪..ପୁଣି କେବେ ୩୨୧ ତ ପୁଣି ୮୭୮୭ । ଅଙ୍କ ଜ୍ୟୋତିଷରେ ଏଭଳି ନମ୍ବର ଲୋକଙ୍କୁ ଆକର୍ଷିତ କରିଥାଏ । ଆଧ୍ୟାତ୍ମିକ ହେଉ ବା ଭୌତିକ… ଏହାକୁ କେହିକେହି ଲକି ବା ଅନଲକି ନମ୍ବର ମାନିଥାନ୍ତି ।
ହେଲେ ମହାରାଣୀଙ୍କ ମୃତ୍ୟୁ ସହ ଏହି ନମ୍ବରର କିପରି ସମ୍ପର୍କ ରହିଛି । ମହାରାଣୀଙ୍କ ମୃତ୍ୟୁ ସମ୍ପର୍କିତ ଏକ ଭିଡିଓ ଜଣେ ଟିକ୍ଟକ୍ ୟୁଜର କିଛିଦିନ ପୂର୍ବେ ସେୟାର କରିଥିଲେ । ଏଲିଜାବେଥ୍ଙ୍କ ଭଉଣୀ ଓ ମା’ଙ୍କ ମୃତ୍ୟୁ ସହ ଯୋଡି ଏକ ଭିଡିଓ ପ୍ରସ୍ତୁତ କରାଯାଇଛି।
ଭିଡିଓରେ ଏକ ଫଟୋ ସେୟାର କରି ଲେଖାଯାଇଛି ଏଲିଜାବେଥ୍ଙ୍କ ବାପା କିଙ୍ଗ ଜର୍ଜ ଷଷ୍ଠଙ୍କ ମୃତ୍ୟୁ ୧୯୫୨ ରେ ହୋଇଥିଲା । ସେହିପରି ମହାରାଣୀଙ୍କ ମା ଓ ଭଉଣୀ ରାଜକୁମାରୀ ମାର୍ଗରେଟଙ୍କ ନିଧନ ୨୦୦୨ରେ ହୋଇଥିଲା । ଏହାପରେ ଏଲିଜାବେଥ ଦ୍ବିତୀୟଙ୍କ ଫଟୋ ନଜର ଆସୁଛି । ଯେଉଁଥିରେ ଲେଖାଯାଇଛି ୨୦୨୨ରେ କୁଇନଙ୍କ ପରଲୋକ ଘଟିବ । ଭିଡିଓ ପ୍ରସ୍ତୁତ କରିଥିବା ଟିକ୍ଟକ୍ ୟୁଜର ୨ ନମ୍ବରକୁ ଲାଲ ରଙ୍ଗରେ ହାଇଲାଇଟ୍ କରି କ୍ୟାପସନ୍ରେ ଲେଖିଛନ୍ତି ଅଜବ ସଂଯୋଗ, ଶାନ୍ତିରେ ଆରାମ କରନ୍ତୁ ମହାରାଣୀ ଏଲିଜାବେଥ୍ ଦ୍ବିତୀୟ ।
ଭିଡିଓରେ ଜଣେ ପ୍ରଶଂସକ ଉତ୍ତର ଦେଇଛନ୍ତି ଏଲିଜାବେଥ୍ ଦ୍ବିତୀୟଙ୍କ ମୃତ୍ୟୁ ବର୍ଷ ଅର୍ଥାତ୍ ୨୦୨୨ରେ ତିନୋଟି ୨ ରହିଛି । ସେହିପରି ଆଉ ଜଣେ ୟୁଜର ଲେଖିଛନ୍ତି ୨୨୨ ଏକ ଆଞ୍ଜେଲ ନମ୍ବର ଯାହାର ଅର୍ଥ ଆଶା, ପ୍ରେମ ଓ ସକରାତ୍ମକ ଚିନ୍ତାଧାରାର ପ୍ରତୀକ ।
