ଚୀନ୍ କମ୍ୟୁନିଷ୍ଟ୍ ପାର୍ଟିର ଆକ୍ରାମକ ନୀତି ଟିକଟକ୍ ପାଇଁ ମହଙ୍ଗା,ସପ୍ତାହକରେ ହଜାର ହଜାର କୋଟି କ୍ଷତି

1 min read

ନୂଆଦିଲ୍ଲୀ: ଭାରତରେ ସର୍ଟ ଭିଡିଓ ଆପ୍ ଟିକଟକ୍ ବ୍ୟାନ୍ ହେବା ପରେ ଏହାର ମୂଳ କମ୍ପାନୀ ବାଇଟଡାନ୍ସକୁ ହଜାର ହଜାର କୋଟି ଟଙ୍କାର କ୍ଷତି ସହିବାକୁ ପଡୁଛି । ଚୀନର ସରକାର ସମର୍ଥିତ ଖବର କାଗଜ ଗ୍ଲୋବାଲ ଟାଇମ୍ସର ରିପୋର୍ଟ ଅନୁସାରେ ବ୍ୟାନ୍ ହେବାର କେବଳ ଗୋଟିଏ ସପ୍ତାହରେ ବାଇଟଡାନ୍ସକୁ ୪୫ ହଜାର କୋଟି ଟଙ୍କାର କ୍ଷତି ହୋଇଛି । ରିପୋର୍ଟରେ କୁହାଯାଇଛି ଯେ, ହେଲୋ ଓ ଟିକଟକ୍ ଭଳି ଆପ୍ ବ୍ୟାନ୍ ହେବାର ପ୍ରଭାବ ବାଇଟଡ୍ୟାନ୍ସ ଉପରେ ଆଗକୁ ଅଧିକ ପଡିବ ।

ଇଣ୍ଡଷ୍ଟ୍ରୀ ରିପୋର୍ଟ ଅନୁସାରେ ଚୀନ୍ ବାହାରେ ଭାରତ ଥିଲା ଟିକଟକର ସବୁଠୁ ବଡ ବଜାର । ଭାରତ ସରକାର ନିକଟରେ ୫୯ ଚୀନ୍ ଆପ୍ ଉପରେ ପ୍ରତିବନ୍ଧକ ଲଗାଇଥିଲେ । ଯେଉଁଥିରେ ଟିକଟକ୍ ମଧ୍ୟ ସାମିଲ ଥିଲା । ଗ୍ଲୋବାଲ ଟାଇମ୍ସକୁ ଯଦି ବିଶ୍ୱାସ କରାଯାଏ ତେବେ ଚାଇନିଜ୍ ଟ୍ରେଡର୍ସ ଓ ନିବେଶକଙ୍କ ଉପରେ ମଧ୍ୟ ଏହି ବ୍ୟାନର ପ୍ରଭାବ ପଡିବ । ବିଶେଷଜ୍ଞଙ୍କ କହିବା ହେଉଛି ଭାରତ ସରକାରଙ୍କ ଏହି ନିଷ୍ପତ୍ତି ଦ୍ୱାରା ଚୀନ୍ ନିବେଶକ ଓ ବ୍ୟବସାୟକୁ ଝଟକା ଲାଗିଛି ।

ଭାରତରେ ହିଟ୍ ଥିଲା ଟିକଟକ୍

tiktok

ବାଇଚଡ୍ୟାନ୍ସ ଟିକଟକ୍ ଭଳି ଆପରେ ଆସୁଥିବା ବିଜ୍ଞାପନରୁ ଅର୍ଥ ଆଦାୟ କରୁଥିଲା । ବ୍ୟାନ୍ ପରେ ବିଜ୍ଞାପନ ଶୁନ୍ୟ ହୋଇଯାଇଛି । କଂପାନୀର ଆପ୍ ବିଶେଷକରି ଟିକଟକ୍ ଭାରତର ଛୋଟବଡ ସହରରେ ଦୃତଗତିରେ ଲୋକପ୍ରିୟ ହୋଇଥିଲା । ଏକ ହିସାବ ଅନୁସାରେ ଲଂଚ୍ ହେବା ପରେ ଗୁଗୁଲ ପ୍ଲେ ଷ୍ଟୋରରୁ ଟିକଟକ୍ ପ୍ରାୟ ୬୬ କୋଟି ଥର ଡାଉନଲୋଡ୍ ହୋଇଥିଲା । ଏବେ ଏହି ଆପ୍ ପ୍ଲେ  ଷ୍ଟୋର ଓ ଆପ୍ ଷ୍ଟୋରରେ ଉପଲବ୍ଧ ନାହିଁ ।

ଡାଟା ସୁରକ୍ଷା କାରଣରୁ ଟିକଟକ୍ ଉପରେ ବ୍ୟାନ୍

ଦେଶର ନାଗରିକଙ୍କ ପ୍ରାଇଭେସି ଓ ଡାଟା ସୁରକ୍ଷା ପାଇଁ ଭାରତ ସରକାର ୫୯ ଆପ୍ ଉପରେ ପ୍ରତିବନ୍ଧକ ଲାଗୁ କରିଛନ୍ତି । ଏହି ଚାଇନିଜ୍ ଆପ୍ ଗୁଡିକର ସର୍ଭର ଭାରତ ବାହାରେ ଚୀନରେ ରହିଛି । ଚୀନ୍ ସରକାର ଏହି ସର୍ଭରରୁ ଡାଟା ନେଉଥିବା ସନ୍ଦେହ କରାଯାଉଛି । ଯେଉଁ ଅଭିଯୋଗକୁ ଟିକଟକ୍ ଭଳି ଆପ୍ ଖଣ୍ଡନ କରୁଛନ୍ତି । ପ୍ରତିବନ୍ଧକ ଲାଗୁ ହେବା ପରେ ଟିକଟକ୍ ତରଫରୁ ଜାରି ବୟାନରେ କୁହାଯାଇଥିଲା ଯେ, ଆମେ ଆମ ଗ୍ରାହକଙ୍କ ତଥ୍ୟ କାହାରି ସହିତ ଏପରିକି ଚୀନ ସରକାରଙ୍କ ସହିତ ମଧ୍ୟ ବାଣ୍ଟିନଥାଉ ।

TikTokକୁ ଟକ୍କର ଦେବା ପାଇଁ YouTubeର ନୂଆ ପ୍ଲାନ୍… ଖୁବ ଶୀଘ୍ର ହେବ ଲଞ୍ଚ

 

 

Opn Commnet Area

Leave a Reply

Your email address will not be published. Required fields are marked *