ନବରଙ୍ଗପୁର ଜିଲ୍ଲା ରାଇଘର ବନାଞ୍ଚଳରୁ ବାଘଛାଲ ଜବତ, ବ୍ୟବସାୟୀ ଫେରାର

ଭୁବନେଶ୍ୱର:   ନବରଙ୍ଗପୁର ଜିଲ୍ଲା ରାଇଘର ବନାଞ୍ଚଳରୁ ବାଘଛାଲ ଜବତ । ବନ ବିଭାଗ ଦ୍ୱାରା ଗୋଟିଏ ବାଘ ଛାଲ ଜବତ କରାଯାଇଛି । ସୂଚନା ଅନୁସାରେ ବିଶେଷ ସୂତ୍ରରୁ ଏନେଇ ଖବର ପାଇଥିଲା ବନ ବିଭାଗ । ନବରଙ୍ଗପୁର ବନ ଖଣ୍ଡ ଅଧିକାରୀ ମଗର ଧନଜି ରାଓସାଙ୍କ ନିର୍ଦ୍ଦେଶ କ୍ରମେ ଉମରକୋଟ ଓ ରାଇଘର ବନ ବିଭାଗ ଦ୍ଵାରା ଏକ ସ୍କୁଆଡ ଗଠନ କରାଯାଇଥିଲା । ଏହି ସ୍କ୍ୱାର୍ଡ଼ ବାଘ ଛାଲ ରଖିଥିବା ଲୋକଙ୍କ ଗତି ବିଧି ଉପରେ ନଜର ରଖି ଆସୁଥିଲା ।

ଗତକାଲି କିଛି ବ୍ୟବସାୟୀ ବାଘ ଛାଲ ବିକ୍ରି କରିବାକୁ ବିରପୁର ଜଙ୍ଗଲ ନିକଟକୁ ଯାଉଥିବା ବେଳେ ବନ ବିଭାଗ ଚଢ଼ାଉ କରିବା ସହ ଗୋଟିଏ ବାଘ ଛାଲ ଜବତ କରିଛି । ଘଟଣାସ୍ଥଳରୁ ସମସ୍ତ ବ୍ୟବସାୟୀ ଫେରାର ହୋଇଯାଇଥିବା ଜଣାପଡ଼ିଛି । ପୋଲିସ ଏହାକୁ ନେଇ ଅଧିକ ତଦନ୍ତ ଜାରି ରଖିଛି ।